Т.Энхтүвшин: Замын-Үүдэд ажилласан төрийн албан хаагчид буудал, хоолныхоо 1.3 тэрбумыг төлөөч
УИХ-ын чуулганы нэгдсэн хуралдаан үргэлжилж байна. Хуралдаанаар “Олон Улсын автотээвэрлэлт гүйцэтгэх тээврийн хэрэгслийн багийн ажлын тухай Европын хэлэлцээр”-ийг соёрхон батлах тухай хуулийн төсөлтэй хамт өргөн мэдүүлсэн Замын хөдөлгөөний аюулгүй байдлын тухай хуульд нэмэлт, өөрчлөлт оруулах тухай хуулийн төслийн эцсийн хэлэлцүүлгийг явууллаа.
Энэ үеэр УИХ-ын гишүүн Т.Энхтүвшин анхаарал татах зүйл ярив. Тэрбээр "Ерөнхий сайдын захирамжаар чингэлэг тээврийг хэвийн нөхцөлд оруулахаар олон хүн Замын-Үүдэд очиж ажилласан. Уг нь энэ хүрээн дэх 6.6 тэрбум төгрөгийн асуудлыг шийдсэн. Гэвч тэд буусан буудал, идсэн хоолныхоо мөнгийг төлөөгүй.
- АТҮТ-ийн 10
- "Монголын төмөр зам"-ын хоёр
- ХХЕГ-ын 27
- Зэвсэгт хүчний 57
- ЦЕГ-ын 10 хүн гээд 100 гаруй хүн очиж ажилласан.
Тэд буусан буудал, идсэн хоолныхоо мөнгийг төлөөч. Нэртэй, устай нь Замын-Үүдийн Засаг дарга зарлана гэдэг асуудал яригдаж байна. Тэд та бүхний идэж уусан 1.3 тэрбум төгрөгийг төлж чадахгүй. Өмнөөс чинь ичиж байна" гэлээ.
Г.САНСАРМАА
АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.