"BLACKPINK" хамтлагийн гишүүн Женни “The Idol” олон ангит киноны гол дүрийг бүтээнэ
Өмнөд Солонгосын "BLACKPINK" хамтлагийн гишүүн "Женни" “The Idol” олон ангит киноны гол дүрд тоглох болсон талаар агентлагаас нь мэдэгдлээ. Женни “ The idol” олон ангит кинонд тоглох болсон талаараа ярихдаа "Надад зохиол нь сонирхолтой санагдсан. Тиймээс би цувралд тоглохыг зөвшөөрсөн. Би маш их догдолж байна. Дүр бүтээхдээ хичээж ажиллана” хэмээжээ.
Канадын поп од Абел Тесфайе, Сэм Левисон, Реза Фахим нарын хамтран бүтээж буй уг цуврал нь хөгжмийн салбарынхны дунд өрнөх бөгөөд нэгэн гол удирдагчийн талаар өгүүлэх аж. Түүнийг олон ангит кинонд дүр бүтээх гэж буй талаар сонссон шүтэн бишрэгчид нь тэсэн ядан хүлээж байгаа юм байна. Энэхүү цуврал хэзээ гарч эхлэх нь тодорхойгүй байна. Харин BLACKPINK ирэх сард бүрэн бүрэлдэхүүнээрээ хөгжмийн ертөнцөд эргэн ирнэ.
ЭХ СУРВАЛЖ: Yonhap news
АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.