Дорнод аймаг амьд үхэр, үхрийн мах, түүхий эд тээвэрлэх, худалдан борлуулах, нийлүүлэхийг хориглосон шийдвэрийг сунгалаа. Тодруулбал, аймгийн Онцгой комиссоос малын гоц халдварт үхрийн арьс товруутах өвчнөөс урьдчилан сэргийлэх, тэмцэх ажлыг эрчимжүүлэх, тархалтыг хязгаарлах зорилгоор ирэх сарын нэгний өдрийг дуустал хугацаанд дээрх шийдвэрийг гаргажээ.
Учир нь малын гоц халдварт үхрийн арьс товруутах өвчний анхны тохиолдол зургадугаар сарын 18-ны өдөр бүртгэгдсэн бол сүүлийнх нь энэ сарын 19-ний өдөр бүртгэгдсэн байна. Өнөөдрийн байдлаар Баянтүмэн, Булган сумдын гурван голомтод 95 үхэр өвчлөн, устгалд оруулсан гэж Мал эмнэлгийн газраас мэдээллээ.
Аймаг, сумдын Онцгой комисс, Мал эмнэлгийн газартай хамтран тус өвчний голомтыг цомхотгох, тэмцэх арга хэмжээг шуурхай авч, голомтот бүс нутагт хорио цээрийн дэглэмийг хэрэгжүүлэн ажиллаж байгаа юм.
С.СУВДАНСОНДОР
АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.
Шүлхий өмчнөөс л болж байгаа юм даа
зөв шдэээ. Сайн шинжилгээг нь баталгаатай болгож нухацтай хандах хэрэгтэй
Олон хүний эрүүл мэнд учир ингэж хандах нь маш зөв