АН-ын Ерөнхий нарийн бичгийн дарга И.Мөнхжаргалд холбогдох шүүх хурал өнөөдөр Баянзүрх, Сүхбаатар, Чингэлтэй дүүргийн Эрүүгийн хэргийн анхан шатны шүүхэд товлогдоод байсан. Тэгвэл шүүх хуралдаан хойшилж, есдүгээр сарын 12-нд болох тов гарчээ.
И.Мөнхжаргалыг "Нэр хүндэд халдсан" үндэслэлээр МАН-ын Ерөнхий нарийн бичгийн дарга Д.Амарбаясгалан шүүхэд гомдол гаргасан байдаг.
Харин И.Мөнхжаргал "Би намын байр суурь илэрхийлж, хэвлэлийн бага хурал хийх үеэрээ МАН-ын тухай ярьсан. Гэтэл гомдол гаргавал байгууллага дээр гаргах учиртай байтал хувь хүнд, надад хаягласан нь ойлгомжгүй байгаа" гэж байр сууриа илэрхийлсэн юм.
Г.САНСАРМАА
АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.