Инфографик: ХНХ-ын сайд Т.Аюурсайхан тэрбум давсан орон сууцтай болтлоо хөрөнгөжжээ

УИХ-ын чуулганы хуралдааны үеэр Ерөнхий сайд Хөдөлмөр, нийгмийн хамгааллын сайдаар УИХ-ын дэд дарга Т.Аюурсайханыг томилохоор болсоноо танилцуулсан. Шинэ сайд үдээс хойших чуулганы нэгдсэн хуралдааны үеэр тангараг өргөлөө.

Т.Аюурсайханы боловсрол болон ажлын туршлагыг та бүхэнд сонирхуулж байна.

Төгссөн сургууль, мэргэжил

• 1993 онд Нийслэлийн 23 дугаар дунд сургууль
• 1995-1999 онд БНТУ-ын Докуз Ейлүл их сургууль эдийн засагч
• 2004-2006 онд Сөүлийн Үндэсний их сургууль, Японы олон улсын их сургуулийг олон улсын хөгжлийн эдийн засгийн магистр
• 2007-2014 онд ХААИС-ын Эдийн засаг, бизнесийн сургуулийн аспирантур
• 2014 онд Эдийн засаг, менежментийн чиглэлээр докторын зэрэг /Ph.D/ хамгаалсан.

Ажилласан байдал

• 2000-2005 онд “Аста Пресс” ХХК-д эдийн засагч, Ерөнхий захирал
• 2006-2009 онд Монгол Улсын Ерөнхийлөгч асан Н.Багабандийн шадар туслах
• 2008-2012 онд Нийслэлийн Чингэлтэй дүүргийн ИТХ-ын төлөөлөгч, тэргүүлэгч, ИТХ-ын Экологи, байгаль орчин, тохижилт, үйлдвэрлэл, үйлчилгээний хорооны дарга
• 2009-2012 онд Монгол Ардын Намын Удирдах зөвлөлийн Хэрэг эрхлэх газарт улс төрийн ажилтан, Ерөнхий нарийн бичгийн даргын зөвлөх
• 2012 онд Нийслэлийн Чингэлтэй дүүргийн Засаг дарга
• 2013-2015 онд Монгол Ардын Намын Хяналтын Ерөнхий Хорооны дэд дарга
• 2015 онд Засгийн газрын тохируулагч агентлаг Шударга өрсөлдөөн, хэрэглэгчийн төлөө газрын дарга
• 2012 оноос Монгол Ардын Намын Шинэчлэл, хөгжлийн хорооны дарга
• 2016 оноос Монгол Улсын Их Хурлын гишүүн
• 2018 оноос Хөгжлийн төлөөх эрдэмтэд ТББ-ын тэргүүн
• 2019 оноос Монгол Улсын Их Хурлын Аюулгүй байдал, гадаад бодлогын байнгын хорооны дарга

Гадаад хэл

• Англи
• Орос
• Турк
• Япон

Одоо харин түүний Хөрөнгө орлогын мэдүүлэгтэй танилцана уу.

Инфотой танилцах: Он бүхий тоон дээр дарахаар 2017, 2018, 2019, 2020, 2021 онуудад түүний хөрөнгө хэрхэн өссөнийг хараарай.

2017 онд түүний өөрийн орлого 2017 онд 70 сая байжээ. Түүнээс хойш тогтмол өссөөр 2021 онд 235 сая хүрсэн байна. Гэр бүлийн орлого ч мөн ялгаагүй. Анх 9 сая байж. Харин дөрвөн жилийн дотор 159 сая болж өсжээ. Мөн тэрбум давсан орон сууц, 118 саяын тээврийн хэрэгсэл, 498 саяар үнэлэгдэх мал, 36 саяын газар, 87 саяын үнэт эдлэлтэй болж, хөрөнгөжжээ.

Түүнчлэн Эрдэнэс тавантолгой ХК, Адванседледэр солюшенс ХХК-д хувьцаа эзэмшдэг ажээ.

Энэ мэдээнд өгөх таны үнэлгээ

Хуваалцаарай Жиргээрэй