Улс төрийн мэдээ
Газрын тухай хуулиудыг хэлэлцэх эсэхийг хэлэлцэн дэмжлээ
УИХ-ын чуулганы нэгдсэн хуралдаан үргэлжилж байна.
Хуралдаанаар газрын тухай эрх зүйн нөхцөл байдлыг шинэчлэх хүрээнд өргөн барьсан багц хуулиудыг хэлэлцэх эсэхийг хэлэлцэн дэмжлээ. Тус хуулиудад УИХ дахь МАН-ын бүлгээс ажлын дөрөв хоногийн завсарлага аваад байсан. Завсарлагын хугацаа дууссан тул хэлэлцэх эсэхийг хэлэлцлээ.
Тодруулбал:
- Газрын ерөнхий хуулийн шинэчилсэн найруулгын төсөл болон хамт өргөн мэдүүлсэн хуулийн төслүүд
- Кадастрын тухай хуулийн шинэчилсэн найруулгын төсөл болон хамт өргөн мэдүүлсэн хуулийн төслүүд
- Монгол Улсын иргэнд газар өмчлүүлэх тухай хуулийн шинэчилсэн найруулгын төсөл болон хамт өргөн мэдүүлсэн хуулийн төслүүд
- Нийгмийн зайлшгүй хэрэгцээг үндэслэн газар чөлөөлөх тухай хуулийн төсөл болон хамт өргөн мэдүүлсэн хуулийн төслүүд-ийг хэлэлцэх эсэхийг хэлэлцэн, УИХ-ын гишүүдийн олонхын саналаар дэмжлээ.
Улмаар анхны хэлэлцүүлэгт бэлтгүүлэхээр байнгын хороонд шилжүүлэв.
УИХ-ын чуулганы хуралдаан үргэлжилж байна.
Г.САНСАРМАА
АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.