УУХҮ-ийн сайд, УИХ-ын гишүүн Ж.Ганбаатар өөрийн снаачилж өргөн барьсан хуулийн төслөө татжээ. Тодруулбал, тэрбээр Төрийн хяналт шалгалтын тухай хуулийн шинэчилсэн найруулгын төслийг санаачлан боловсруулаад 2020 оны тавдугаар сарын 1-нд УИХ-ын дарга Г.Занданшатарт өргөн барьсан билээ.
Гэвч УИХ-ыннэгдсэн чуулганы өнөөдрийн /2023.04.13/ хуралдаанд дээрх хуулийн төслөө татан авах хүсэлт ирүүлсэн байна.
Хүсэлтэд “Засгийн газрын шийдвэрээр Мэргэжлийн хяналтын газрыг татан буулгасантай холбоотойгоор өргөн мэдүүлсэн дээрх хуулийн төслийн үзэл баримтлалд зарчмын өөрчлөлтүүд орохоор байгаа тул Улсын Их хурлын тухай хуулийн дагуу хуулийн төслөө татан авах хүсэлт гаргаж байна” гэжээ.
УИХ-ын дарга хүсэлтийг уншиж танилцуулсны дараа уг хуулийн төслийг татан авсанд тооцлоо хэмээв.
АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.