Монгол Улс нийслэлд болж буй сагсан бөмбөгийн 3х3 төрлийн 18 хүртэлх насны ДАШТ-ий медальтнууд баасан гарагт тодорно.
Өчигдөр эмэгтэй багуудын хэсгийн сүүлийн тоглолтууд болж, шилдэг найман баг тодорсон. Монгол Улсын эмэгтэй баг "С" хэсэгт Голландыг 11:10 оноогоор хожин, ДАШТ-ий анхны хожлоо авсан юм.
Өмнөх тоглолтод Чехэд нэг оноогоор /14:13/ ялагдсан манай охид өчигдөр хөгжөөн дэмжигчдээ ийнхүү баярлуулж чадлаа. Эмэгтэйчүүдийн "С" хэсгээс Франц, Филиппиний багууд тэргүүлж, хасагдах шатанд өрсөлдөх эрхтэй болсон.
Өнөөдөр хэсгийн тоглолтууд дуусаж байгаа ба манай эрэгтэй шигшээ багийн хувьд өнөөдөр хоёр тоглолттой. Тухайлбал, Монгол - Гүрж 18:30, Монгол - АНУ 20:30 цагаас тоглох хуваарьтай байгаа юм.
Б.ТОГТУУН
АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.