НийслэлХУУЛЬ

Ц.Ганзориг: 740 гаруй иргэн саатуулагдсан, цаашид ч нэмэгдэх хандлагатай байна

Засгийн газрын хэвлэл мэдээллийн албаны дарга Ц.Ганзориг дөнгөж сая сэтгүүлчдэд мэдээлэл өглөө. Өнөөдөр Засгийн газар 20 гаруй асуудал хэлэлцэнэ. Үүний төгсгөлд БНХАУ-ын 740 гаруй иргэний талаар мэдээлэл сонсоно гэдгийг тэрбээр тодотголоо.

Ц.Ганзориг:

АЛБАН ЁСНЫ МЭДЭЭЛЭЛ ӨГТӨЛ ХҮЛЭЭЦТЭЙ ХАНДАНА УУ

“Прокурорын хяналт дор Цагдаа, тагнуулын байгууллагынхан гүйцэтгэх ажиллагаа явуулсан. Энэ хүрээнд цахим гэмт хэрэгтэй холбоотой гэж үзсэн учраас гадаад улсын иргэдийг саатуулж байгаа. Яг одоо өгч байгаа мэдээллээр 740 орчим иргэнийг саатуулаад байгаа. Гэхдээ нэмэгдэх хандлагатай байна гэдгийг хуулийн байгууллагынхан хэлж байна. Эцсийн байдлаар тодорхой мэдээлэл нь Засгийн газрын хуралдаанаар хэлэлцсэний дараа хэвлэлийнхэнд өгөх учраас үйл явцыг та бүхэнд хуулийн хүрээнд, прокурорын хяналт дор  байгаа учраас боломжтой мэдээллийг өгч байгааг ойлгоно уу. Тийм болохоор Засгийн газар дээр ямар нэгэн тодорхойлсон мэдээллийг дарах ч юм уу, зарим нэг таамаг мэдээллээр улстөржүүлсэн мэдээллүүд яваад байна. Тийм зүйл огт байхгүй. Засгийн газрын хуралдааны дараа тодорхой, албан ёсны мэдээллийг өгнө. Хүлээцтэй хандана уу” гэдгийг хэллээ.

Т.САНТ

Энэ мэдээнд таны өгөх үнэлгээ
Like
Love
Haha
Wow
Sad
Angry

Холбоотой мэдээ

2 Сэтгэгдэл

Хариулт үлдээх

АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.

Back to top button