ДЭЛХИЙ

Веган хоолтон бүсгүй ганц бургер идээд МАЛ НЯДЛАГЧ болжээ

Австрали улсын иргэн Тамми Жонас удаан хугацааны турш веган хоолны дэглэмийг баримталж, амьтны гаралтай мах, сүү тэргүүтэн хүнсний бүтээгдэхүүнээс татгалзаж иржээ. Гэхдээ гурав дахь хүүхдээ төрүүлэх хүртэл бургер идэж үзэх маш их хүсэлтэй байсан гэнэ. Чингээд тэр хүслээ ч биелүүлжээ. Одоо тэрбээр энгийн хоолтон төдийгүй мал нядлагч, гахайн ферм ажиллуулдаг нэгэн.

Тамми 19 настай байхдаа Австралийн философич Петер Зингерийн “Animal Liberation” номыг уншаад махнаас татгалзаж байжээ. Өдгөө тэр 40 настай. Хоёр хүүхэд төрүүлж, өсгөх хүртлээ амжилттай веган байж чадсан ч, төмрийн дутагдалд орж, үүнийгээ нөхөж чадахгүй байдалд хүрсэн тухайгаа сэтгүүлчдэд ярьсан байна. Ингээд гурав дахь хүүхдээ мах идэхгүйгээр тээж чадахгүйгээ ухамсарлаж, ажлын байран дээр байхдаа бургер идэж үзсэн аж. Үүнээс хойш эргээд мах, махан бүтээгдэхүүн иддэг амьдралын хэмнэлдээ шилжиж орхижээ.

Хамгийн сонирхолтой нь, төрснийхөө дараа тэр нөхрийн хамт өөрийн удмын нэрээр нэрлэсэн гахайн ферм ажиллуулж эхэлсэн байна. Тэр өөрөө гахайн нядлагчийн үүрэг гүйцэтгэдэг. Гэхдээ бусад фермүүдээс ялгаатай, гахайг тамлаж зовоодоггүй, ёс зүйг эрхэмлэдэг систем бүхий ферм үүсгэн байгуулсан тухайгаа тэр онцлон ярьсан байна.

Х.ЭРХЭС

Энэ мэдээнд таны өгөх үнэлгээ
Like
Love
Haha
Wow
Sad
Angry

Холбоотой мэдээ

4 Сэтгэгдэл

Хариулт үлдээх

АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.

Back to top button