БНХАУ Засгийн газрын албан тушаалтнуудад iPhone болон бусад гадаад брэндийн төхөөрөмжүүдийг ашиглахыг хориглосон байна. Энэ мэдээлэл гарсны дараа “Apple” компанийн хувьцаа унажээ.
Хятад бол “Apple”-ийн хамгийн хэрэглэгчийн зах зээлүүдийн нэг, тус компани орлогынхоо тавны нэгийг Хятадаас бүрдүүлдэг. “Wall Street”-ийн хувьцааны индексүүдээс харахад хоригийн талаар мэдээ гарсны дараа “Apple” компанийн хувьцааны үнэ 3.6 хувиар буурсан байна.
Хэд хэдэн шинжээч нар БНХАУ-ын гаргасан шийдвэр нь Бээжин Америкийн технологиос хараат байдлаа багасгахын тулд АНУ-ын ямар ч компанийг өршөөхгүйг харууллаа гэж үзэж байгаа юм.
“DA Davidson” фирмийн шинжээч Том Форте “Apple ч гэсэн үүнээс мултарч чадахгүй. Тус компани “Foxconn”-оор дамжуулан Хятадад хэдэн зуун мянга, бүүр нэг сая гаруй хүнийг ажлын байраар хангадаг ч гэсэн тэднийг өршөөхгүй шинжтэй” гэж хэлжээ.
Эх сурвалж: The Guardian
АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.