Даваа гарагт /2023.09.25/ Умард Солонгос Өмнөд Солонгосын Ерөнхийлөгч Юн Сок Ёлыг шүүмжилж, хөрш орнууд ойрын харилцаатай байх нь энгийн зүйл гэжээ.
Өнгөрсөн долоо хоногт болсон НҮБ-ын Ерөнхий Ассамблейн чуулганаар Юн Сок Ёл үг хэлэхдээ ОХУ БНАСАУ-тай хамтран ажиллаж, зэвсгийн солилцоо хийвэл Өмнөдийг шууд өдөөн хатгаж буй хэрэг гэж хэлсэн.
Түүний хэлсэн үгийн эсрэг Умардын төрийн өмчит телевиз мэдээлэл хийхдээ Юн Сок Ёлыг ОХУ-тай үүсгэсэн нөхөрсөг хамтын ажиллагааг доромжилж, АНУ-ын цагаан хоолой хийж байна гэжээ.
Мөн тус телевиз “Хөрш орнууд хоорондоо ойр дотно харилцаатай байх нь зүй ёсны хэрэг, ийм харилцаанд хариуцлага тооцох гээд хэрэггүй” гэж мэдэгдэл гаргасан байна.
Хоёр долоо хоногийн өмнө Хойд Солонгосын удирдагч Ким Жон Ун ОХУ-д айлчилж Владимир Путинтэй уулзсан билээ. Айлчлалын дараа Ким Жон Ун БНАСАУ ямар нэгэн нөхцөл тавилгүйгээр ОХУ-ыг дэмжих болно гэж хэлсэн юм.
Эх сурвалж: Reuters
АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.