Ордуудын 2024 оны тойм зурхай

Шинэ он гарч, та бидний амьдралын шинэ хуудас эхэллээ. Энэ оны өрнийн зурхайн тоймыг орчуулж хүргэе. Өнгөрсөн хэдэн жил саад бэрхшээл ихтэй байв. Энэ жил ч гэсэн сорилтууд тулгарах нь мэдээж, гэхдээ жил ирэх тусам та илүү хүчирхэг, тэсвэр хатуужилтай болж байгаа гэдгээ санаарай. Шинэ оны мэнд хүргэе.

Хумхууд орлого олоход анхаарлаа хандуул

Энэ жил Санчир гараг Загасны ордыг дайран өнгөрөх үед, Хумхууд анхаарлаа хоёр дахь гэр гэгддэг газартаа төвлөрүүлээрэй. Авьяас чадвар, мөнгө, материаллаг эд хөрөнгө гэх мэт өөрийгөө үнэлэх үнэлэмж, санхүүтэй холбоотой зүйлс дээр ажиллах боломж ирнэ. 2024 оны гол зорилгуудын нэг чинь санхүүгийн аюулгүй байдал байх тул, орлого олох боломжуудад анхаарлаа хандуул.

Эдгээр зүйлсийг илүү эмх цэгцтэй болгох нь 2024 онд таны зорилго байх болно. Та шинэ зүйл инновацыг эрэлхийлдэг ч энгийн арга барил баримтлах нь хэт бүтээлч байхаас илүү үр дүнд хүргэх болно.

Тэнгэрийн ван гараг энэ жил Үхрийн ордоор өнгөрч байгаа тул гэр бүлийн амьдралдаа өөрчлөлтүүд хэт түргэн хийхгүй бол эрүүл өөрчлөлтүүд гарна. Өвөрмөц зан чанар тань бол таны хамгийн том уян хатан чанар. Хумх та төрсөн өдрөөрөө бусад ордтой харьцуулшгүй өөртөө итгэлтэй байдаг.

Жилийн эхээр өөртөө итгэх итгэл, эгог нэмэгдүүлдэг нар таны ордоор дамждаг тул нэгдүгээр сарын сүүлээс хоёрдугаар сарын эцэс хүртэл бүх зүйл таных байх болно. Өөрийнхөө өвөрмөц, хувь хүний хэв маягийг тэмдэглэх арга замыг олох нь таны хувьд ихэвчлэн асуудал биш байдаг. Энэ жил ч гэсэн асуудал биш байх болно.

2024 онд хайр дурлалын хувьд өвөрмөц хандлагатай байх нь хүсэн хүлээсэн зүйлээ олоход тустай. Гэхдээ зарим талаараа уламжлалт байх нь олсон зүйлээ хадгалахад хэрэгтэй.

Энэ жил загаснууд тэсвэр хатуужилтай байх хэрэгтэй

Загасны ордныхон энэ жил бүхний анхаарлын төв ороход бэлэн үү? Санчир гараг нэгдүгээр байшингаар өнгөрөх тул өөрийгөө хөгжүүлэх боломж их гарч ирнэ. Интроверт талдаа ордын хувьд энэ бага зэрэг айдас хүргэм байж болох ч, томоохон хэмжээний өөрчлөлт гаргах нь таны хэсэгхэн хугацааны хэцүүхэн байдлаас хавьгүй илүү байх болно.

Далайн ван гараг 2024 оныг дуустал нэгдүгээр байшинд байрлах тул таны оюун санааны чадвар сайжирч, зүүдний тань талаар асар их ойлголт өгнө. Орчлон ертөнцөөс ирэх энэ мэт сүнслэг авьяас билгүүдийг нээлттэйгээр хүлээн авснаар энэ жил мартагдашгүй өнгөрнө.

Гэхдээ та жил бүр Далай ван гарагийн ухрах хөдөлгөөнийг мэдэрдэг гэдгийг санах хэрэгтэй. Энэ жил долоодугаар сарын сүүлээс оны төгсгөл хүртэл Далай ван гарагийн ухрах хөдөлгөөн явагдана шүү. Иймд Загас танд ухрах хөдөлгөөний үеэр хэцүүхэн зүйлс тохиолдох юм.

Та зарим нэг таагүй зүйлс сэдрэн гарч ирэхийг зогсоож чадахгүй ч гараг эрхсийн бусад таатай байрлалын ачаар тэсвэр хатуужилтай байж, тулгараад буй сорилтуудыг даван туулахад бэлэн байх хэрэгтэй.

Хайр дурлалын хувьд та үргэлж бүхнээ зориулдаг. Энэ жил ч гэсэн тийм байх болно. Гэхдээ хичээсэн бүхэнд амжилт олно гэж үү? Мэдээж үгүй. Гэхдээ хайр дурлалын хувьд өмнөх жилүүдтэй харьцуулахад илүү амжилттай байх болно.

Хонинууд зүрх сэтгэлээ анагаах зүйлс их бий

Хонины ордны хүмүүсийн энэ жилийн амьдралын ерөнхий дур зургийг гаргахын тулд Санчир гараг сэтгэл хөдлөлийн усны орд болох загасны ордод мөн таны оюун санааны бүсэд байгааг харах хэрэгтэй. Танд зүрх сэтгэлээ анагаах шаардлагатай олон асуудал байгааг илтгэж байна.

Энэ жил дуусгаагүй ажилдаа их анхаарал тавьж, өөрийгөө бүрэн дүүрэн дайчлахад саад болоод буй шийдэгдээгүй асуудлуудыг нэг тийш болгох он юм. Таны нэгдүгээр байшин тавдугаар сарын эхээс зургаадугаар сарын дунд хүртэл Ангараг гарагаас эрч хүч авах тул хүсэж буй зүйлийнхээ араас явахад түлхэц өгнө.

Таны урам зориг дээд цэгтээ тулах тул бусад хүмүүс аливаа төлөвлөгөөг хэрэгжүүлнэ гэж танд найдаж болно. Хонины ордныхон таны манлайлах ур чадвар хамгийн өндөр түвшиндээ байна, гэхдээ таны гол зорилго бол хувийн ололт амжилт, шагнал юм.

Мэдээж таны төрсөн өдөр үргэлж гуравдугаар сарын сүүлээс дөрөвдүгээр сарын сүүлээр тохиодог тул үдэшлэг зохиогоорой. Энэ жил дөрөвдүгээр сарын 8-нд шинэ сар гарч, нар хиртэлт болох нь төрсөн өдрөө том тэмдэглэх хэрэгтэйг харуулж байна. Хэрвээ та сүүлийн үед амьдралд төөрөлдсөн мэт санагдаж байгаа бол энэ үе өөрийгөө олох завшаан болно.

Орчлон ертөнцөөс ирэх хамгийн сайхан төрсөн өдрийн бэлэг нь өнгөрсний ялагдлуудыг ардаа орхин, хонины ордны өөртөө итгэх бардам итгэлийг дахин олж авах байж магадгүй юм. Зурхайн эхний ордын хувьд аливааг сайтар тунгаан бодолгүйгээр дурлалын харилцаанд яарч ордог, зөвхөн өөрийгөө л боддог амраг мэт харагддаг. Эдгээр зүйлс үнэн байж болох ч Санчир гарагийн байрлал таны хайр дурлалын амьдралд илүү энэрэнгүй эрч хүчийг өгч, гайхалтай шинэ чиглэлд хөтөлнө.

Үхэрийн ордныхонд шинэ, олон боломж гарч ирнэ

Үхрийн ордынхон үнэнч, хариуцлагатай, жаахан зөрүүд гэдгээрээ алдартай. Гэхдээ 2023 он их юм сургасан жил байсан тул та өмнөхөөсөө илүү ухаалаг болсон. Мөн энэ жил Санчир гараг таны арван нэгдүгээр байшинг дайрч өнгөрөх учир хийх ёстой зүйлсээс бага зэрэг ангижирч, өөрчлөлт гаргахыг хүсэхэд хүргэнэ. Ингэснээр 2024 онд танд шинэ, олон янзын боломжууд гарч ирнэ.

Та өөрийн хүсэл тэмүүллээ эрж хайн, судлахад их цаг зарцуулна. Мөн Санчир гарагийн мэргэн хяналт дор байх учир та хамтран ажиллах шаардлагатай нөхцөл ирэхэд ямар үүрэг гүйцэтгэх ёстойгоо олж мэдэх хангалттай боломжуудтай тулгарна.

Дөрөвдүгээр сарын сүүлээс тавдугаар сар нь хариуцлагатай, тогтвортой, аливаа зүйлсийг журамтай хийдэг зан чанараа нэмэгдүүлэх онцгой үе байх юм.

Та өөрийн дур хүслээ дагах дуртай тул хайр дурлалын тал дээр харамгүй байдаг. Энэ жил хайрын дарь эх Сугар гараг таны сансрын удирдагч байх тул та гайхалтай амраг байх болно. Хэдийгээр энэ жил амьдралд танд бэрхшээл, хүндрэл тулгарах ч гэсэн та хайр дурлалд итгэсээр байна.

Ихрүүд тулгамдаад буй асуудлуудад тэвчээртэй хандаарай

Мэдлэг ухааныг эрэлхийлэгч Санчир гараг Загасны орд болон таны карьерын бүсэд байгаа тул ихрийн ордныхонд мөрөөдөл, хүсэл эрмэлзэлдээ илүү бодитой хандах боломжийг олгоно.

Санчир гараг хатуухан сургамж өгөх ч, энэ нь шударга байх болно. Энэ он таныг залан чиглүүлэхээр бүхий л салбараас эрх мэдэл бүхий хүмүүс гарч ирэх тул бэлэн байгаарай. 2024 ондоо үүнийг л санаж яв: ганцаараа хийхийг хүсэхгүй байвал заавал ганцаараа болгох гэж оролдох шаардлагагүй.

Та нийтэч ордуудын нэг. Мөн мэдлэг, мэдээллийн номлогч Буд гараг таныг удирддаг тул та төрөлхийн сониуч, оюун ухаан болон харилцааны маш сайн чадвартай хүн. Агаарын ордын хувьд та нээлттэй сэтгэлгээтэй, урсгалаа дагадаж, бүх зүйлийн талаар хүмүүстэй ярилцаж, мэтгэлцэж чаддаг билээ.

Тийм ч учраас энэ жилийн Буд гарагийн ухрах хөдөлгөөний цикл (Дөрөвдүгээр сарын 1-нээс 25-ны хооронд хонины ордод, наймдугаар сарын 4-нөөс 28-ний хооронд арслан, охины ордод, арван нэгдүгээр сарын 25-наас арван хоёрдугаар сарын 15-нд нумын орд) таныг бусад ордуудаас илүү бухимдуулж магадгүй.

Бүх электроны барааны доголдлууд, ялангуяа утастай холбоотой асуудлууд таны хувьд толгойны өвчин мэт, ялангуяа амьдралд тань саад болж байх үед. Та амар тайван байхыг хичээж, гэнэтийн үйлдэл гаргахаасаа өмнө тулгамдаад буй асуудлууд дуусахыг хүлээх нь чухал юм.

Сониуч ухаан, харилцааны гайхалтай чадвар тань таныг бүх төрлийн, өвөрмөц хүмүүстэй харилцаа холбоо үүсгэхэд тусалдаг тул таны хайр дурлалын амьдрал уйтгартай байх нь ховор. Тиймээс 2024 онд ганц бие эсвэл хостой байсан ч таны сэтгэлийг догдлуулах зүйлс тохиолдох болно.

Мэлхийнүүдэд аз жаргалтай, бүрэн дүүрэн амьдрах боломжууд ирнэ

Мэлхийн ордныхон ичимхий, сэтгэл хөдлөл ихтэй, бусдыг халамжилж сэтгэл тавих дуртай билээ. Мэдээж та үргэлж интроверт хүн байсаар ирсэн ч гэсэн 2024 он танд хүртэх ёстой анхаарал, хүндэтгэлээ хүлээн авах жил байна.

Мэргэн Санчир гараг Загасны орд болон таны адал явдлын ес дэх байшинд байрлах учир зөөлөн, таатай уур амьсгалыг бүрдүүлнэ. Ингэснээр та шинэ, сэтгэл хөдөлгөм туршлагаар дамжуулан дэлхий ертөнцийн талаар илүү ихийг мэдэж, амьдралынхаа бүх талбарт мэдлэг, итгэл үнэмшлээ нэмэгдүүлэх боломжуудыг олгоно.

Сар таны сансар огторгуйн хөтөч гэдгийг та сайн мэдэх байх. Ийм учраас сарны мөчлөг танд маш их нөлөөлдөг. Та хуанли дээрээ сарны онцгой үзэгдлүүдийг тэмдэглээд авсан нь дээр болов уу. Гуравдугаар сарын сүүлээр сарны тал хиртэлт (Тийм том биш ч үр нөлөөтэй байх болно), нарны бүтэн хиртэлт дөрөвдүгээр сард шинэ сартай хавсарна, есдүгээр сарын дундуур сарны тал хиртэнэ, аравдугаар сарын эхээр галт цагариг бүхий нарны хиртэлт болон шинэ сар гарна. Хиртэх үзэгдлийн үеэр танд оюун санаагаа өөр хэмжигдэхүүний түвшинд хүргэх боломж гарч ирнэ.

Та бусдад туслан халамжилж байх үедээ хамгийн сэтгэл хангалуун байдаг. Энэ нь заавал романтик хамтрагчтай байх ёстой гэсэн үг биш. Гэхдээ амьдралдаа онцгой хэн нэгэнтэй байх нь мэлхийн орд гэх мэт усны ордны хүмүүст зохицдог зүйл билээ. Ганц бие байх нь сайхан мөчүүдтэй ч гэсэн, яг үнэндээ энэ нь урт хугацаандаа хүсэж байгаа зүйл биш гэдгийг та мэднэ. Гэхдээ хостой эсвэл ганц бие ч бай энэ жилд танд аж жаргалтай, бүрэн дүүрэн амьдрах боломжууд ирнэ.

Арслангууд өдөр бүрийг шинэ эхлэл гэж хараарай

Арслан та анхаарлын төвд байх дуртай. Гэхдээ энэ жил Санчир гараг Загасны ордод байрлаж, нэгдэн хувирах таны наймдугаар байшинтай хавсрах тул гараг эрхсийн энерги хуваалцах үзэл бодол дээр хуримтлагдах болно. Та бусадтай хамтран ажиллаж чадах ч хувиа хичээсэн талтай. Энэ жил өгөөмөр байх, бусадтай хуваалцах талаар суралцана.

Энэ жил мөн адил өмнөх онтой адил тэрслүү тэнгэрийн ван Үхрийн ордод байрлаж, нийгмийн амьдралын аравдугаар байшинтай хавсарсан нь тэрслүү тохирол юм. Өөрчлөлтийг хүсдэг Тэнгэрийн ван гараг нь зөрүүд Үхрийн ордтой тийм ч сайн зохицдоггүй учир та дээрх дурдсан өөрчлөлтүүдийг хийж, зохих ёсоор хүлээн зөвшөөрөгдөх амжилт тууштай хичээсний үр дүнд л ирнэ.

Ийм учраас энэ жилийн сорилтуудыг даван гарахад тууштай байдал их чухал. Аажуухан, тууштай байдлаар урагшлах нь ялалт авчирдаг гэдгийг санаж, урт хугацааны өгөөж хүлээсэн цагт л ирнэ гэдгийг санаарай.

Зуны сүүл сарууд таны хувьд хамгийн тааламжтай мөчүүд байдаг. Энэ жил та зүгээр дахиад нэг нас нэмсэн бус илүү ухаалаг, мэргэн болсон мэт байх болно. Орчлон ертөнц таныг хувь хүний хувьд өсөж, хөгжиж байна гэдгийг харуулна. Гэхдээ хөгжилтэй зангаа хэзээ ч бүү алдаарай.

Та хайр дурлалын талаарх бүх зүйлд дуртай. Сэтгэл хөдлөл, ээдрээтэй зүйлс гээд л бүгдэд нь, тэр ч байтугай өвдөлт мэдрэх дуртай. Учир нь энэ таныг амьд байгааг мэдрүүлдэг. Хүчтэй сэтгэл хөдлөл мэдрэх нь танд шинэ зүйлсийг зааж сургана. Тиймээс та 2024 оны өдөр бүрийг шинэ эхлэл, аливааг шинэ өнцгөөс харах боломж гэж бодоорой.

Охины ордныхоон! дотнын харилцаанд нөлөөлж болзошгүй сорилтууд тулгарна

Охины ордныхон прагматик болон логик ухаантай, оюун санааны хувьд уян хатан Буд гарагаар удирдуулдаг. Буд гараг нь бидний мэдээлэл, технологи, бүх төрлийн харилцааны номлогч билээ.

Та өөрийн ажилсаг байдал, аливаа зүйлсийг товлосны дагуу хийж, багийн үнэ цэнтэй хэсэг болж ажиллах чадвараараа бахархдаг. Гэхдээ Санчир гараг энэрэнгүй Загасны орд, харилцаа холбооны долоодугаар байшингаар дамжиж байгаа тул энэ жил хамгийн ойр дотнын хүмүүстэй харилцах харилцаанд тань нөлөөлж болзошгүй сорилтууд тулгарна.

Таны удирдагч Буд гараг нэгдүгээр сард нумын ордоор дамжихдаа ухрах хөдөлгөөн эхлүүлнэ. Үүний дараа сарын дундуур матрын орд руу шилжих юм. Та нэгдүгээр сарын ихэнх хугацаанд Буд гарагийн ухрах хөдөлгөөний нөлөөллийг мэдрэх ч тийм хүчтэй байхгүй.

Ухрах хөдөлгөөн хэзээ болохыг хуанли дээрээ тэмдэглээд авах нь зөв. Дөрөвдүгээр сарын 1-нээс 25-нд хонины орд, наймдугаар сарын 4-нөөс 28-нд охин болон арслангийн орд, арван нэгдүгээр сарын 25-наас арван хоёрдугаар сарын 15-нд нумын ордод ухрах хөдөлгөөн хийнэ. Ухрах хөдөлгөөнүүд галын ордуудын нөлөөлөл дор байгааг харж болно. Харин наймдугаар сард богино хугацаанд таны ордоор дайрч өнгөрнө.

Энэ үед баримтлах бүх дүрмийг л баримтал. Гэхдээ амьдралаа бүхэлд нь хойшлуулан зогсоож болохгүй, гэхдээ болгоомжтой байх хэрэгтэй. Наймдугаар сарын сүүлээс есдүгээр сарын сүүл хүртэл нар охины ордод байрладаг, мөн Санчир гараг таны хувийн харилцаанд бүтэн жилийн турш нөлөөлдөг тул танд одоо хэцүү байж магадгүй.

Та төрсөн өдрөө ихэнхдээ найзуудтайгаа өнгөрөөхийг илүүд үздэг бол энэ жил гэр бүлтэйгээ тэмдэглэх нь тохиромжтой. Эсвэл хамт тэмдэглэх шинэ сайн найзтай болж магадгүй.

Хайр дурлалын амьдралаа та энэ оны эхээр шийднэ. Юу болох нь тодорхойгүй харилцаа тань энэ он дуусахаас өмнө өөрчлөгдөх магадлал өндөр. Орчлон ертөнц энэ оныг таны хувьд үерхлийн жил байх болно гэж шийджээ. Үерхлийн харилцаагаа чиглүүлэхэд тань туслах гараг эрхсийн хөдөлгөөн ажиглагдах болно.

Жинлүүрүүд эмх замбараагүй байдалд орохоос зайлсхий

Ноцтой, амбицтай Санчир гараг энэ жилийн төлөв байдлыг тодорхойлно. Санчир гараг Загасны орд болон зургаадугаар байшингаар дамжих тул та нарийн ширийн зүйлсэд анхаарлаа их хандуулна.

Энэ онд өдөр тутмын амьдралаа илүү хялбар, үр дүнтэй болгохын тулд ур чадвараа сайжруулах талаар ажиллах хэрэгтэй. Мөн өөрийн эрүүл мэндэд анхаарч дасгал хөдөлгөөн хийн, эрүүл хоол хүнс ашиглах нь таны 2024 оны зорилгод багтана.

Амьдралаа илүү эмх цэгцтэй байлгахын эрэлхийлэх үедээ та замбараагүй байдалд орохгүй байх нь чухал юм. Амьдралаа сайжруулна гэсэн нэрээр уйтгартай амьдраад байж болохгүй.

Гуравдугаар сарын сүүлээр сар тал хиртэж, аравдугаар сарын эхээр нар хиртэх үед сэтгэл хөдөлгөм зүйлс тохиолдоно. Хавар болох сарны тал хиртэлт бүтэн хиртэлтээс илүү бага хүчтэй ч үр нөлөө нь мэдэгдэх болно. Энэ хиртэлт таны нэгдүгээр байшинд тохиолдож байгаа ч танд хачирхалтай үйл явдлуудыг илгээж магадгүй. Энэ үйл явдлууд танд ашигтай байх ёстой ч хиртэлтийн үед болгоомж илүүдэхгүй гэдгийг санаарай.

Аравдугаар сард болох нарны хиртэлт нь жинлүүрийн улирлын дундуур болж, нар сарны энергийг зохилдлогод оруулна. Та энэ хиртэлтийг өөртөө итгэх итгэл болон сэтгэлийн хатаа бататгахад ашиглахын хэрэгцээ хүмүүсийг хэт их боддог хандлагаас чөлөөлөгдөх боломжтой.

Хайр дурлалын тал дээр гэвэл танд замбараагүй байдалд орж болохгүй гэдгийг анхааруулсныг санаарай.

Хилэнцийн ордныхон өөртөө хөгжилдөх цаг гаргаарай

Хилэнцүүд аливаа зүйлсийг өөрсдийнхөөрөө байлгах дуртай усны орд билээ. Энэ жил хилэнцүүдийн хувьд Санчир болон Далай ван гараг Загасны орд болон тавдугаар байшингаар өнгөрөх тул аливаа зүйлс тийм ч тодорхой биш байх болно, ялангуяа харилцаа холбооны хувьд.

Хобби, чөлөөлт цагаа хэрхэн өнгөрөөх зэрэг хөгжилдөх үйл ажиллагаанд илүү их цагийг зарцуулах хэрэгтэй. Учир нь та ийм зүйлд зохих цаг зарцуулаагүй удсан байх.

Таныг хамтран захирагч Ангараг гараг нумын ордоор дамжин энэ жилийг эхлүүлнэ. Ингэснээр таны амьдрал адал явдал шууд тохиолдох юм. Харин нэгдүгээр сарын хоёрдугаар долоо хоногоос матрын орд Ангарагт нөлөөлж эхлэх тул бүх зүйл илүү ноцтой төлөвт шилжинэ. Ингэснээр шинэ жилийн зорилго, ялангуяа үүрэг хариуцлага, ирээдүйн зорилгоо эргэцүүлэн бодох тохиромжтой цаг.

Хамтран захирагч Дэлхийн ван гараг нэгдүгээр сарын ихэнх хугацаанд матрын ордод байрлах боловч хумхын ордод шилжиж есдүгээр сарын сүүл хүртэл байх тул энэ жилийн эхэнд аливаа зүйлсийг нухацтай тунгаан бодох хэрэгтэй.

Амьдралд тань болж бүтэхгүй байгаа зүйлсийг орхих нь эрх чөлөөг мэдрүүлнэ,ялангуяа тань шиг огт шаардлагагүй сэтгэлийн ачаа тээш үүрж явдаг ордын хувьд.

Хайр дурлалын хувьд сэтгэл санаа болон бие махбодын хувьд юу хэрэгцээтэй вэ гэдгээ олж илрүүлэх нь таны хайрын амьдралыг дараагийн түвшинд хүргэнэ.

Нумын ордынхон гэр бүлийн хариуцлагатай их тулгарна

Санчир гараг Загасны ордоор дайран өнгөрөхдөө таны гэр бүлийн дөрөвдүгээр байшинд нөлөөлнө. Ийм учраас та энэ жилийн турш гэр бүлийнхнийхээ өмнө биелүүлэх ёстой үүрэг, хариуцлагатай тулгарч магадгүй.

2024 он гэр орон болон ойрын гэр бүлийн гишүүдтэй холбоотой асуудлуудад илүү сахилга бат, анхааралтай хандахыг шаардана. Таныг удирдагч Бархасбадь гараг тавдугаар сарын сүүл хүртэл үхрийн ордод байрлах бол зургаадугаар сараас ихрийн ордод шилжиж он дуустал тэнд байх юм.

Жилийн эхэн үед тэсвэр тэвчээр таны хүч чадал байх болно. Учир нь танд хүндхэн сорилтууд тулгарна. Бархасбадь гараг ихрийн ордод байрлана гэдэг нь анхаарал сарниулах хүчин зүйлсээс удаан хугацаанд ангид байж чадвал амжилтад хүрэх түлхүүр болно.

Завгүй, адал явдлаар дүүрэн амьдралд тань анхаарал татах гэж оролдох хэн нэгэн байх боловч энэ жил өөрийнхөө тэргүүний зорилгуудад анхаарлаа хандуулах нь маш их ач холбогдолтой байх юм.

Бархасбадийн арван нэг болон арван хоёрдугаар сард хийх ухрах хөдөлгөөний үеэр өөрийнхөө зорилгод дүгнэлт хийх нь чухал. Өөрийг тань аз жаргалтай, сэтгэл хангалуун байлгадаг зүйлс юу болохыг сайн мэдэхгүй байна уу? Тэгвэл нухацтай бодож эхлэх цаг тань энэ.

Жилийн эхээр ганцаардах эсвэл хүмүүс дэмжихгүй байгаа мэт санагдах үе тохиолдох хэдий ч та энэ жил хайраас хүсэн хүлээж буй зүйлээ авах боломжтой. Энэ нь тийм ч амар биш байж магадгүй юм. Мөн урт хугацааны бизнесийн санаа гаргаж эсвэл карьерынхаа талаар бодох цаг иржээ.

Матрын ордныхон мэдрэмжээ илэрхийлж, зүрх сэтгэлээ нээгээрэй

Матрын ордынхон ажлын харилцаагаа эрч хүчтэй, шийдэмгийгээр шийдэж өөртөө чухал зорилго тавьдаг шаргуу хөдөлмөрч хүн. Энэ жил таны хувийн ашиг сонирхол өөрчлөгдөж байгаа, таныг удирдагч Санчир гараг Загасны орд болон харилцааны гуравдугаар байшингаар өнгөрч байгаа.

Ийм учраас ашиг сонирхол тань санхүүгээс, хүмүүстэй харилцах арга хэлбэрт шилжих тул санхүүгийн зарлагын хувьд өөрийгөө барих, хязгаарлах дарамт багасна.

Энэ салбарт дарамт багассанаар та ажлаас гадуурх “би” хэн бэ гэдгээ илүү олж нээн, бусадтай үүсгэх хувийн харилцаа энэ жилийг өөрчлөх болно. Санчир гарагийн ухрах хөдөлгөөн зургаадугаар сарын сүүлээс арван нэгдүгээр сарын дунд хүртэл үргэлжилнэ. Энэ үед танд амсхийж, урсгалаараа явах сайхан боломж олдоно.

Матрын ордынхны хувьд амсхийх нь сонин мэдрэмж төрүүлж магадгүй ч сахилга баттай, хатуу зан чанартай танд амьдралыг огт өөр өнцгөөс харах боломжийг олгох юм. Мөн бусад хүмүүсийг чөлөөт цагаа хэрхэн өнгөрүүлж байгааг харах нь танд нийгэмшиж, ажил хэрэг бус хөгжилдөхөд анхаарлаа хандуулахад тусална.

Хайр дурлалын хувьд та энэ жил харилцаа холбоог чухалчлах хэрэгтэй учир өөрийнхөө мэдрэмжээ илүү тод илэрхийлж, бодолдоо байгаа төдийгүй зүрх сэтгэлдээ байгаа зүйлсийг илэрхийлж сурах нь таны сорилт юм.

Эх сурвалж: Astrology.com