АНУ-ын TLC сувгаар хоёр улирал бүхий "My Five Wives” нэртэй телевизийн цуврал нэвтрүүлэг гарч байсан юм. Үүнд полигами гэр бүлийн хэлбэр буюу нэгээс олон эхнэр/нөхөр сонгох хэлбэрээр амьдарч буй Брэди Виллиамс гэгч эр, түүний гэр бүлийн тухай гардаг. Тэр таван эхнэртэй, 24 хүүхэдтэй.
Брэди хамгийн анхны эхнэр Паулитайгаа гэрлээд 20 гаран жил болж буй аж. Түүний дараа Робин, Рөүзмэри, Нони, Сюзанна хэмээх дөрвөн бүсгүйтэй гал голомтоо бадраасан. Сонирхолтой нь, түүний эхнэрүүдийн дунд атаа жөтөө, үл ойлголцол байдаггүй гэж тэдний зүгээс батлан хэлдэг. Брэди эхнэрүүдийнхээ өмнө тэдний хэн нэгэнтэй нь үнсэлцэж, нөгөөг нь тэвэрнэ. 24 хүүхэд нь өглөө бүр гал тогооны өрөөндөө дугаарлан зогсож, гараа угааж, өглөөний цайгаа уудаг.
АНУ-ын хувьд олон эхнэртэй байхыг зөвшөөрсөн тусгай хуулийн зохицуулалт байдаггүй. Чухам гэр бүлийн дотоод харилцаандаа тэд бие биенээ эхнэр, нөхөр хэмээн хүлээн зөвшөөрдөг. Ийм ч учраас 2014 онд хоёр улирал үргэлжилсэн Брэдигийн гэр бүлийн тухай нэвтрүүлгийг зогсоож, гарахыг нь болиулж байсан удаатай. Тэднийг орчин үеийн гэр бүлийн хэв маягийн шинэлэг хэлбэр, ирээдүйн чиг хандлага гэсэн өнцгөөс хардаг хүмүүс байхад нөгөө талаар хоцрогдмол, балар эртний зан үйлийг давтан үйлдэж байна хэмээн шүүмжилдэг нь ч бий.
Х.ЭРХЭС
АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.
Teneg yum bn
Гоё юм бна