Нийгмийн

Хөдөө явж байгаад машинаа цасанд суулгачихлаа хэмээн онцгойгийнхныг хуурчээ

“Хатанбаатар Хатнаа” гэсэн фэйсбүүк хаягтай нэгэн иргэн цахим хуудсандаа “Сайн байна уу. Сэлэнгэ аймгийн Мандал сумын Хэрх тосгоны уулын бэлд эхнэр, найман сартай хүүхдийнхээ хамт явж байтал машин цасанд суучихлаа. Ойр хавьд хүн байвал надад туслаач. Гурван цаг гаран гарах гэж үзлээ, барахгүй юм байна. Би яах вэ, эхнэр, хүүхэд хоёр минь маш их даарч байна. Туслаарай. Share хийж өгөөч” хэмээн тусламж хүсчээ.

Түүнийг өрөвдсөн, туслахыг хүссэн олон мянган иргэн цахим хуудсандаа постыг нь шэйрлэн, бусдыг туслахыг уриалсан юм.

Түүний хүсэлтийн дагуу Зүүнхараагийн онцгой байдлын хэлтсийнхэн очсон ч хуурамч мэдээлэл байсныг нь тогтоожээ. Тэд цахим хуудсандаа “Мэдээллийн дагуу Зүүнхараагийн онцгой байдлын хэлтсийнхэн, Сум дундын цагдаагийн хэлтсийн алба хаагчидтай хамтран Хэрх уулыг бүтэн тойрч хайсан боловч Хатанбаатар гэдэг иргэн олдоогүй бөгөөд уг мэдээлэл нь хуурамч болно. Цахим сүлжээнд хуурамч мэдээлэл тавихгүй байхыг хүсье” гэжээ.

Холбоотой мэдээ

9 Сэтгэгдэл

  1. Очих гэсээр байтал гараад явчихсан ч юм билүү. Зүүнхараа ОБГ ынхан жоохон сүртэй юу гүү юү

  2. Уржигдар Төв аймгийн Сэргэлэн сумын Үнэгт гэх газар эхнэр, 7 настай хүүхдийнхээ хамт явж байгаад цасанд сууж 4 цаг гаран ухаад гаргаж чадахгүй аргаа бараад 5 км алхаж байж арай гэж сүлжээ олоод сум руу залгаж унаа дуудаж байтал Өндөртолгой хавьцаа нутагладаг Баасандорж гэх залуу үхрээ хурааж яваад таарч хоёулаа элбэж ахиж 2 цаг ухаж байж арай гэж гарсан. Дуудсан машин маань уулан дунд ололгүй, Баасандоржийнд сураг авахаар хүлээж байсан. Онцгой байдлынхан л санаанд орж байна билээ шүү. Намайг унаа дуудахаар явсан хойгуур охин маань даарч, ээж нь маани уншсан чинь охин та бурхныг туслаач гэж дуудаад байгаа юм уу хэзээ ирэх юм бэ гээд байсан гэнэ. Сүүлд нь Баасандоржийг морьтой ирж байхыг харсан эхнэр маань хараач Бурхан тэр морио унаад ирлээ гэж хэлсэн гэсэн. Нээрээ л Баасандорж гэх тэр залуу бурхныг орлосон шүү.

Хариулт үлдээх

АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.

Back to top button
Close