Алдарт Битлз хамтлагийн гишүүн агсан Жон Ленноны тоглож байсан гитар дуудлага худалдаагаар орж 2.9 сая ам.доллароор зарагджээ.
“Framus” компанийн үйлдвэрлэсэн тус акустик гитарыг Леннон 1965 онд Битлз хамтлагийн гаргасан Help! цомгийг бичихдээ ашигласан юм. Тэр цагаас хойш тус гитарыг хэн нэгэн толоогүй 50 жил болсон байна.
Энэ хөгжмийн зэмсгийг Шотландын гитарчин Гордон Уоллер эзэмшиж байсан юм. Дараагаар тэр хамтлагийнхаа менежерт гитарыг бэлэглэжээ.
Тэрхүү явдлаас олон арван жилийн дараа Их Британийн хөдөө тосгонд амьдардаг гэр бүл гитарыг нүүх гэж байхдаа байхдаа олж, дуудлага худалдаагаар оруулсан байна.
Дуудлага худалдаа Нью-Йорк хотын Hard Rock Cafe-д явагдаж, утсаар холбогдсон эрхэм хамгийн өндөр үнийг амлаж худалдан авчээ.
Худалдааг зохион байгуулсан газрын гүйцэтгэх захирал Дэвид Гудман “Энэ гитар нь зөвхөн хөгжмийн түүхийн нэг хэсэг төдийгүй Жон Ленноны өвийн бэлэг тэмдэг. Өнөөдрийн худалдаа нь Битлзийн хөгжим болон Жон Леннон хүмүүсийн сэтгэлд мөнх үлдсэний нотолгоо” гэсэн байна.
Эх сурвалж: The Guardian
АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.