Ням гарагт /2024.06.09/ Украины зэвсэгт хүчин мэдэгдэл хийхдээ фронтоос бараг 600 км-ын зайд, ОХУ-ын газар нутагт байрлах цэргийн нисэхийн баазад байрлах Су-57 онгоцыг агаарын цохилтоор анхны удаа оносон хэмээжээ.
Москва Су-57 онгоцыг радарт харагдах талбай нь бага, зэвсэгт хүчний хамгийн дэвшилтэт сөнөөгч онгоц гэж мэдэгдсэн байдаг.
Хэрвээ Украины мэдэгдэл үнэн бол тус улс анхны удаа Су-57 онгоцыг оносон тохиолдол болох юм. Киевийн цэргийн тагнуулын гол алба халдлага үйлдэгдсэний дараах сансраас авсан зургийг нийтэлжээ.
ОХУ-ын нисэх хүчинд зөвхөн 32 орчим Су-57 сөнөөгч онгоц бий гэх тооцоо байдаг. Тэдгээрийн 10 орчим нь туршилтын загвар юм.
Орчин үеийн сөнөөгч онгоцыг нь оносноос гадна фронтоос маш хол, ОХУ-ын газарн нутагт цохилт өгсөн нь анхаарал татаж буй. Учир нь барууны орны удирдагчид саяхнаас Украинд барууны зэвсгийг ашиглан ОХУ-д агаарын цохилт өгөх хязгаарлагдмал зөвшөөрөл өгсөн.
Одоогийн байдлаар Украин ямар зэвсэг ашиглан агаарын цохилт өгсөн нь тодорхойгүй байгаа юм.
Эх сурвалж: Euro News
АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.
ан гээч болон ухраан 2-ч адилхан, төрөлхийн урвагчид, шун�##�тангууд
Gazar nutagaa aldchihaad yu soliorood baigaa nohduud ve