ОХУ-ын Алс дорнод бүсэд орших Камчаткын хойгт 22 хүн тээвэрлэж явсан жуулчны нисдэг тэрэг сураггүй алга болсон талаар орон нутгийн албаныхан бямба гарагт /2024.08.31/ мэдээлжээ.
Камчатка мужийн дарга Владимир Солодов Телеграм хуудас дээрээ “Өнөөдөр 16:15 минутын орчим 22 хүнтэй тэдний 19 нь зорчигч байсан Ми-8 загварын нисдэг тэрэгтэй холбоо тасарсан” гэсэн юм.
Ми-8 нь ЗХУ-ын үед зохион бүтээгдсэн цэргийн нисдэг тэрэг. Одоо үед ОХУ-д тус нисдэг тэргийг тээвэрлэлтийн зорилгоор өргөн хэрэглэдэг байна.
Аврах багууд тус нисдэг тэрэг зорчих төлөвтэй байсан голын хөндийд анхаарал хандуулан хайгуулаа явуулж байгаа юм.
Сураггүй болсон нисдэг тэрэг Камчаткын хойг дахь байгалийн гоо үзэсгэлэн, гол мөрөн, идэвхтэй галт уулаараа алдартай Вачзкажец уулын ойролцоо жуулчдыг авсан аж.
ТАСС агентлаг энэ талаар мэдээлэхдээ нисдэг тэрэг хөөрснийхөө дараа бараг тэр даруйдаа радараас алга болсон гэжээ.
Эх сурвалж: Voice of America
АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.
Бурхан минь ямар их нисэх хэрэгсэл сүйрч байнаа. Энэ л лав гадны оролцоо их байж магадгүй шүү
Харамс�##�тай
Хамгийн найдваргүй онгоцоор ОХУ- д үйлдвэрлэлсэн онгоцууд Дэлхийд тэргүүлэх болсон, дараа нь Хятад улс!!!
Болж. Муу хүүрнүүд. Бүгд сөнөөсэй!