БНХАУ-ын эмч нар гурван өдрийн турш зүрхний гажигтай монгол хүүхдүүдийг үнэ төлбөргүй эмчилнэ.
Тодруулбал, Энэ долоо хонгийн 24, 25, 26 өдрүүдэд Баянзүрх нэгдсэн эмнэлэг дээр БНХАУ-ын Бээжин хотын Анжен эмнэлгийн хүүхдийн төвийн эмнэлгийн эмч нар зүрхний гажигтай хүүхдүүдэд үзлэг оношилгоо хийхээр болжээ. Ингэхдээ хагалгаа шаардлагатай хүүхдүүдийн төлбөрийг 100 хувь дааж мэс ажилбар хийж өгөх аж. 0-16 хүртэлх насны хүүхдүүдийн зүрхний гажиг засах хагалгаа Бээжин хотод хийгдэх бөгөөд бүх зардал, байрлах байр, асран хамгаалагчийн зардлыг хятадын талаас гаргах юм. Мөн хагалгааны дараах хяналтыг Бээжин хотын эмнэлэг хариуцан хийнэ.
АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.