ОХУ-ын ерөнхийлөгч В.В.Путин манай улсад айлчлах үеэр айлчлалын багт тус улсын төрийн атомын энергийн толгой корпораци "Росатом"-ын төлөөлөгчид ирээд буцсан. Энэ үеэрээ манай эрчим хүчний салбарын хамгийн гол асуудал болох Цөмийн цахилгаан станцын асуудлыг холбогдох албаныхантай ярилцаж, тодорхой албан бичгүүдэд гарын үсэг зурсан.
"Росатом"-ын тухайд, Оросын хамгийн том эрчим хүч үйлдвэрлэгч компаниудын нэг бөгөөд нэг ёсондоо Оросын нэрийн өмнөөс цөмийн эрчим хүчний бодлогыг хэрэгжүүлэх эрх бүхий байгууллага билээ. Ураны хайгуул, олборлолт баяжуулалт, хувиргалт, түлш үйлдвэрлэлт, ЦЦС-ын зураг төсөл, барилга угсралт, ЦЦС-ын ашиглалт, засвар үйлчилгээ, инженерчлэл, цөмийн холбогдох байгууламжуудыг ашиглалтаас гаргах түүнчлэн эцсийн түлш болон цацраг идэвхт хаягдлын боловсруулалт зэрэг цөмийн үйлдвэрлэлийн бүх хэсгийг хариуцдаг юм.
АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.