Офицеруудын тойргоос Шархад хүртэлх авто замыг аравдугаар сарын 3-ны өдрийн 23:00 цагаас эхлэн хааж шинэчлэхээр болсон байна. Ингэхдээ тус чиглэлийг хоёр хэсэгт хуваан шинэчлэхээр болжээ.
Тэгвэл эхний хэсэг буюу Шар хаднаас Улаанхуаран /Эко хүнсний зах/ хүртэлх замыг өнөөдрөөс /2024.10.03/ эхлэн хааж аравдугаар сарын 5-ны өдрийн 6:00 цаг хүртэл шинэчлэх аж. Харин хоёрдугаар хэсэг буюу Улаанхуаран/Эко хүнсний зах/-ын баруун уулзвараас эхлэн офицеруудын ордны тойрог хүртэлх авто замыг аравдугаар сарын 5-ны 6:00 цагаас эхлэн, аравдугаар сарын 7-ны 6:00 цаг хүртэл хааж тус тус шинэчлэхээр болжээ.
Чулуун овооны тойргоос "Оргил" худалдааны төв хүртэлх авто замыг хэсэгчлэн хааж шинэчлэнэ. Тус замыг мөн л хоёр хэсэгт хуваан шинэчлэхээр болжээ. Эхний ээлжид нэгдүгээр хэсгийн ажлыг аравдугаар сарын 6-ны өдрийн 23:00 цагаас эхлэн аравдугаар сарын 8-ны өдрийн 23:00 цаг хүртэл хааж замын шинэчлэлийн ажлыг хийхээр төлөвлөжээ.
Харин хоёрдугаар хэсгийн авто замын шинэчлэлийн ажлыг аравдугаар сарын 8-ны өдрийн 23:00 цагаас эхлэн, аравдугаар сарын 10-ны өдрийн 6:00 хүртэл хийж гүйцэтгэхээр болсон байна.
Тиймээс иргэд, жолооч та бүхэн энэ өдрүүдэд дээрх замаас бусад замыг сонгон замын хөдөлгөөнд оролцохыг ТЦА-наас сануулав.
З.УЧРАЛ
АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.
Гэр хороололын өөдөө өгсөх гол гол уулын гуу амтай хэсэгт дөрвөлжин чулуу суулгах маягаар хийдэг авто замаа хийчихэлдээ зассан замруу нэг борооноор л бор шороо ороод б�##�лаад байхаддаа. Дарь эх зурагтын замд маш их тохиолддог