Украины Ерөнхийлөгч Володимир Зеленский ням гарагт /2024.10.20/ хийсэн шөнө бүрийнхээ мэдэгдлийн үеэр ОХУ 2024 он гарснаас хойш 6,130 ширхэг Шахед төрлийн дрон харвасан гэжээ. 2022 оны намраас эхлэн ОХУ Иранд үйлдвэрлэсэн хямд ч үр дүнтэй цохилт өгдөг Шахед дроныг Украинд хэрэглэж эхэлсэн.
Сүүлийн долоо хоногуудад ОХУ-ын зэвсэгт хүчин дроноор өгөх агаарын цохилтоо эрчимжүүлээд буй. Есдүгээр сарын эхээс хойш Украины томоохон хотууд өдөр тутам агаарын цохилтод өртөх болсон. Энэ нь наймдугаар сарын 26-нд ОХУ урьд өмнө нь байгаагүй томоохон агаарын цохилт Украинд өгсний дараа эхэлсэн юм. Тус өдөр ОХУ 127 пуужин, 109 дроноор энгийн иргэн болон энергийн гэх мэт дэд бүтцэд цохилт өгсөн билээ.
Хэдийгээр ОХУ Шахед загварын дроноо гаднын орнуудаас худалдан авч байсан боловч Их Британийн Батлан хамгаалах яам мэдээлэхдээ тийм загварын дроныг дотооддоо үйлдвэрлэж эхэлсэн байгаа юм. Энэ сарын есний өдөр Украины зэвсэгт хүчин ОХУ-ын Октябрьский тосгоны ойролцоо 400 гаруй Шахед дрон хадгалж байсан байгууламжийг устгасан байна.
Эх сурвалж: Kyiv Independent
АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.
Укрйинчууд Европын холбоо, АНУ-ын хэдэх дрон ашигласан юм бол?
Хэний нутагт дайн болж байгаа вэ?,дайныг дэмждэг амьтад эргэцүүлж боддоггүй ээ