Израил болон Хамас бүлэг гал зогсоох тохиролцоонд хүрсэн талаар зуучлагч орнууд мэдээлжээ. Газын зурваст 15 сарын турш үргэлжилж, Ойрх дорнодын нөхцөл байдлыг хурцатгасан тэрхүү дайнд гал зогсоох тохиролцоо нь ирэх ням гарагаас /2025.01.19/ хэрэгжиж эхлэх юм.
Катар улсын нийслэл Дохад болсон хэвлэлийн бага хурлын үеэр тус улсын Ерөнхий сайд Шейх Мохаммед бин Абдулрахман аль Тани мэдэгдэл хийхдээ хэлэлцээ зуучлагчид Израил, Хамастай тохиролцоог хэрэгжүүлэх талаар хэлэлцэж байгаа гэжээ. АНУ-ын Ерөнхийлөгч Жо Байден мэдэгдэл хийхдээ “Газын зурвас дахь байлдааныг зогсоож, Палестины ард түмэнд нэн шаардлагатай байсан хүмүүнлэгийн тусламжийг нэмэгдүүлэн,барьцаанд буй хүмүүсийг 15 сарын дараа гэр бүлийнхэнтэй нь уулзуулах тохиролцоо” гэсэн байна.
Газын зурвасын эрүүл мэндийн яамнаас гаргасан тоо баримтаар бол дайны улмаас 46 мянган Палестин хүн амь үрэгджээ. Хамас бүлэг өнгөрсөн жилийн аравдугаар сард Израил руу довтолсны улмаас 1,200 гаруй хүн нас барсан. Гал зогсоох тохиролцооны эхний шатанд Израил цэргээ Газын зурвасаас аажмаар татан, хоёр тал барьцааны хүн болон хоригдол солилцоо явуулна. Энэ үе нь зургаан долоо хоног хэрэгжинэ.
Эх сурвалж: Reuters
АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.
46.000 П�##�естин, 1.200 Израйль
zugeer allaga terror hiichlee juud