“ТЭСО” амьд бактеритай, хуурай тараг үйлдвэрлэнэ

ТЭСО корпораци ирэх жилийнхээ зорилтын хүрээнд амьд бактеритай, хуурай тараг үйлдвэрлэхээр зорьж буй тухай тус корпарацийн ерөнхийлөгч О.Цогтгэрэл мэдээллээ. Эднийх өнгөрсөн онуудад “Зөв” брендийн цуглуулгаа гаргасан. Эхлээд шингэн ундаа байсныг нь нунтаглаж, буцалсан усанд найруулж уух боломжтой болсон. Гурав дахь нь аарцаа вакум орчинд хатааж “Аарцан үрэл” хийдэг болсон юм.

Энэ талаар Техникийн шинжлэх ухааны доктор /SC.D/ профессор Л.Дамдинсүрэн “Цаашдаа таргаар инноваци шингээсэн бүтээгдэхүүн хийхийг үгүйсгэхгүй. Тарагийг вакум орчинд хатааж байгаад дараа нь тараг бүрэхэд бүрэлдэж байсан. Өөрөөр хэлбэл, амьд микроф нь хэвэндээ үлдэж байна гэсэн үг. Ер нь нам температурт хатааж байгаа учраас ашигтай уураг, витамин хэвэндээ үлдэнэ. Тэгэхээр ирэх жилээс магадгүй тараг руу чиглэсэн шинэ бүтээгдэхүүн гарах байх. Ер нь амьд микрофыг хүнд хүргэх инновацийн судалгааны ажил аль хэдийнэ эхэлсэн байгаа шүү” хэмээн ярилаа.

Т.САНТ

Энэ мэдээнд өгөх таны үнэлгээ

Хуваалцаарай Жиргээрэй