Элчин сайд Л.Пүрэвсүрэнд хилийн хориг тавьсан уу

Монгол Улсаас Швейцарьт суух онц бөгөөд бүрэн эрхт элчин сайд Л.Пүрэвсүрэнд оффшор данстай холбоотой хэргээр хилийн хориг тавьсан гэх мэдээлэл түгээд байсан. Тэрбээр 2018 оны зургаадугаар сарын 19-нд Швейцарийн Холбооны Ерөнхийлөгч Алэйн Бэрст итгэмжлэх жуух бичгээ өргөн барьсан юм. Харин хилийн хориг тавьсан гэдэг асуудлаар тэр өөрийн Твиттер хуудсаар дамжуулан,

“Буруутан болгож үлгэр зохиож, олон нийтийн тархийг угааж, тэрийгээ батлах гэж заавал юм ол гэж хууль, хүчний хэдэн залууг өдөр шөнөгүй шахаж, ажиллуулж байгааг мэднэ! Ийм л байдал Монгол төрийг хүчгүйдүүлж байгаа. Зориудаар худал мэдээ тарааж байгааг сэтгүүлчид анхаарна уу! Би зүгээр ажлаа хийж байгаа! Элчин сайдын зөвлөлгөөнд оролцоод Женевт буцаад ирсэн. Үлгэр зохиож, олон нийтийн тархийг угааж одоо болсоон! Ажлаа өгснөөс хойш 3 жил шалгалаа. Бурууг олоод гаргаад тавих хангалттай хугацаа. Худал мэдээ явдаг нь сонгууль дөхсөний шинж!” хэмээн жиргэж, няцаасан мэдэгдэл хийсэн байна.

Х.ЭРХЭС

Энэ мэдээнд өгөх таны үнэлгээ

Хуваалцаарай Жиргээрэй