Монголын пауэрлифтингийн нэгдсэн холбооны хүчний гурван төрөлтийн УАШТ Спортын төв ордонд дөрөв дэх өдрөө үргэлжилж байна.
Энэ тэмцээний эрэгтэйчүүдийн 105 кг-ын жинд "Рио-2016" паралимпын наадмын хүрэл, ДАШТ-ий алт, мөнгө, Дэлхийн цомын аварга, Азийн наадам, Азийн АШТ-ий алтан медальт, гавьяат тамирчин Энхбаярын Содномпилжээ хэвтээ шахалтын төрөлд оролцож, дэлхийн дээд амжилтыг гурван удаа шинэчлэн тогтоолоо.
Э.Содномпилжээ эхний оролтоор 242 кг шахсан бол дараа нь 247кг, 252 кг-ыг өргөснөөр дэлхийн дээд амжилтыг гурван удаа шинэчилжээ. Харин дэлхийн дээд амжилтыг Э.Содномпилжээ тамирчин 243 кг-ыг шахсан амжилтаар эзэмшиж байсан бөгөөд өөрийнхөө амжилтыг ийнхүү эвдсэн байна. Тэрбээр энэ тэмцээний сүүлчийн оролтоор 255 кг-ыг амжилттай шахсанаар улсын аварга болоод зогсохгүй Дэлхийн дээд амжилтыг ойрын жилд эвдэхээргүй болгож байна.
Б.ТОГТУУН
АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.