Энэ долоо хоногт Уул уурхайн биржээр гарсан арилжааны мэдээллээс харвал нүүрсний арилжаанууд муу буюу худалдан авагчийн талаас санал ирүүлэлгүй арилжаанууд хаагджээ.
“Дарханы төмөрлөгийн үйлдвэр”-ээс 58 хувийн агууламжтай төмрийн баяжмал, “Эрдэнэс критикал минералс” 52 хувийн агууламжтай төмрийн хүдрийг хэд хэдэн удаа амжилттай арилжаалжээ.
“Энержи ресурс” болон “Эрдэнэс Тавантолгой”, “Хангад эксплорэйшн” ХХК-иуд энэ долоо хоногт нүүрс арилжаалж чадаагүй байна. Засгийн газраас нүүрсийг тусгай гарцаар гаргаж, экспортыг сайжруулах шийдвэр гаргасан ч одоогийн байдлаар Хятадын талаас нүүрсний худалдан авалтаа нэмэгдүүлэхээс илүүтэй дотоодын нүүрсний нийлүүлэлтээ нэмэгдүүлэхэд голчилж буй билээ.
Т.БАТСҮРЭН
АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.