Ч.Номин: Аялал жуулчлалын салбарт хэрэгжүүлж байгаа ажлуудад бага хүүтэй, урт хугацааны зээл олгоно

Засгийн газрын хуралдааны шийдвэрийн талаар танилцуулж, сэтгүүлчдэд мэдээлэл өглөө.

Соёл, спорт, аялал жуулчлал, залуучуудын сайд Ч.Номин,

Урт хугацааны хөтөлбөрт Монгол Улсад дөрвөн улиралын аялал жуулчлалыг хөгжүүлэх ажлыг эрчимжүүлэхээр төлөвлөж байна. Аялал жуулчлалын салбарт хэрэгжүүлж байгаа ажлуудад Засгийн газраас бага хүүтэй, урт хугацаатай хөнгөлөлттэй зээл гаргахаар болж байна. Олон улсын томоохон Бостон консалтингаас Монгол Улсын аялал жуулчлалыг хэрхэн хөгжүүлэх вэ гэдэгт зөвлөх үйлчилгээ авсан. Ингэснээр манай улсын ДНБ-ий тодорхой хувийг аялал жуулалчлалын салбараас бүрдүүлэх боломжтой.

Гол нь энэ салбарыг хөгжүүлэхэд 11 орчим их наядын хөрөнгө оруулалт хийх шаардлагатай гэж үзсэн. Дэд бүтцийг сайжруулах, жуулчдын ая тухыг сайжруулах зэрэгт хөрөнгө оруулалтыг хувийн хэвшлүүдээс хийх нь зүйтэй гэж үзсэн учраас зочлох үйлчилгээ байрших үйлчилгээний салбарт, жуулчны баазуудыг 4 улиралд үйл ажиллагаагаа явуулах зэрэгт 4 орчим их наядын зээлийг гаргаж байж хөрөнгө оруулалтыг бий болгоно гэж харж байна.

Уг зээл нь тогтвортой 5 орчим жил хэрэгжиж байж аялал жуулчлалын салбарт 600 орчим мянган жуулчин татах, тэрбум ам.долларын орлого олох боломжтой гэж судалгаагаар гарсан. Жилд ойролцоогоор 16 хувиар жуулчдын тоо нэмэгдэх боломжтой.

-Зээлийг хэрхэн, ямар шалгуураар олгох юм бэ?

-Арилжааны банкуудтай хамтарч гаргахаар ярилцаж байгаа. Арилжааны банкуудын шаардлагыг хангасан газруудад олгоно. Аялал жуулчлалын баазуудыг 4 улиралд ажиллуулахад чиглэх учраас журмаар биш нөхцлөө тодорхойлж гаргана.

Т.БАТСҮРЭН

Энэ мэдээнд өгөх таны үнэлгээ

Хуваалцаарай Жиргээрэй