Ц.Санжаачойпэлийг эрүүл мэндийн шалтгаанаар суллагдсанд Прокуророос гомдол гаргажээ
УИХ-ын гишүүн асан Ц.Цэрэнпунцагийн хүү Ц.Санжаачойпэлийг 30 хоног хорих шийдвэр гаргасан ч хугацаанаас нь өмнө сулласан тухай бид өмнө нь мэдээлсэн.
Улмаар яагаад хугацаанаас 14 хоногийн өмнө суллах болов, хамт хоригдсон Э.Тэмүүлэн, Л.Алтан-Очир нар хамт суллагдсан уу, прокурор дахин гомдол гаргах уу гэх асуулт ургав.
Уг хэргийг дэнссэн Дүүргийн Эрүү, Иргэний хэргийн хялбар ажиллагааны шүүхээс тодруулахад "Энэ оны наймдугаар сарын 07-ны өдөр Ц.Санжаачойпэлийн өмгөөлөгч Ж.Батхуягийн гаргасан хүсэлтийг хүлээн авч 08-ны өдөр Б.Батаа шүүгчийн шийдвэрээр суллагдсан. Өмгөөлөгчийн шүүхэд гаргасан хүсэлтэд "Ц.Санжаачойпэлийн биед хөнгөн хохирол учирсан, эмнэлгийн тусламж авах шаардлагатай" байгаа тухай мөн дурдсан байсан. Одоогоор түүнийг гадуур шалгаж байгаа бөгөөд Монгол Улсын хилээр гарах хориг нь хэвээр буй" хэмээсэн юм.
Иймд Прокурорын байгууллагаас бусдын биед гэмтэл учруулж 30 хоногийн баривчилгаа авсан ч хугацаанаасаа өмнө суллагдсан Ц.Санжаачойпэлийн эсрэг шүүхэд гомдол гаргажээ. Уг гомдлын шүүх хурал удахгүй болох юм байна.
Харин Ц.Санжаачойпэлтэй хамт 30 хоногийн баривчилгаа авсан Э.Тэмүүлэн, Л.Алтан-Очир нар суллагдаагүй, цагдан хоригдсон хэвээр байгаа юм.
Хэргийг эргэн сануулахад, Эрдэнэбатын Тэмүүлэн, Цэрэнпунцагийн Санжаачойпэл нарыг “2025 оны 7 сарын 18-19-нд шилжих шөнө Сүхбаатар дүүргийн 3 дугаар хорооны нутаг дэвсгэрт үйл ажиллагаа явуулдаг “Канте” шөнийн цэнгээний газрын гадаа талбайд хохирогч Д.С-ын нүүрэн тус газарт нь гараараа цохих, хөлөөрөө өшиглөх зэргээр биед нь бүлэглэн халдаж эрүүл мэндэд нь хохирол учруулсан” гэх хэргээр мөрдөн шалгах ажиллагааг явуулж явуулж, хэргийг шүүхэд шилжүүлсэн байдаг. Хохирогчийн биеийн байдал хүнд, нүднийх нь цаад аяганы яс хугарсан гэх мэдээллийг хохирогчийн аав өгч байсан юм.
Бид эл хэрэг хэрхэх талаар эргэн мэдээлэх болно.
АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.
шоронгийн пян даахгүй байж хэрэг хийнээ бас. нялцгай эрхийн б�##�ай
Батаа гэж хахуулийн шүүгчийг айлаас нь �######�уулаасай
Хуний эруул мэндийг хохироосон, хуний эруул мэндэд яасан их санаа зовоо вэ?
Монголын шүүх шүүгч мөн дөө
Санжаа цагдаагийн хүүхэд 1 цохьсон.
Нээх ноцтой хэрэг биш шүү новшнуудаа
Жирийн иргэний хүүхэд цохьсон бол хорих битгий хэл хэрэг үүсгэхгүй новшнууд шүү