Баасан гарагийн үдээс хойш ажилчид сайхан ааштай болдог нь судалгаагаар тогтоогджээ

Баасан гарагийн үдээс хойш ажилчдын сэтгэл санаа сайжирч, байгууллагын уур амьсгал эерэг болдог байна. Энэ байдлыг "Баасан гарагийн нөлөө" гэж нэрлэдэг бөгөөд ажилчдад "Маргааш амарна" гэж бодох нь сайхан санагдаж, зан ааш нь эерэг байдаг байна.

2015 онд "Applied Psychology: Health and Well-Being" сэтгүүлд нийтлэгдсэн судалгаагаар ажилчдын стрессийн түвшин долоо хоногийн турш өөрчлөгддөгийг харуулсан бөгөөд Баасан гарагийн үдээс хойш хамгийн бага түвшинд хүрдэг гэжээ.

Дараах хэдэн зүйлээс шалтгаалан ажилчид Баасан гарагийн үдээс хойш догдолж, баярлаж ажлаа тарах цагийг тэсэн ядан хүлээдэг байна.

1. Амралтын өдрүүдийг тэсэн ядан хүлээх

Ажилчид амралтын өдрүүддээ гэр бүл, найз нөхөдтэйгээ цагийг өнгөрөөх, дуртай зүйлсээ хийх төлөвлөгөөтэй байдаг тул Баасан гарагийн үдээс хойш илүү урам зоригтой болдог.

2. Чөлөөтэй уур амьсгал

Зарим байгууллагад Баасан гарагийн үдээс хойш ажлын уур амьсгал зөөлөн, эерэг болдог. Зарим компани "casual Friday" (албан бус хувцаслах өдөр) зарлаж, эсвэл ажилчдыг сэтгэл сэргээх арга хэмжээ зохион байгуулдаг.

3. Амралтын өдрийн таатай төсөөлөл

Хүмүүс ирэх өдрүүдэд хийх зүйлсээ төсөөлж, амралтын тухай бодох үед тархи дофамин хэмээх аз жаргалын гормон ялгаруулдаг. Энэ нь сэтгэл санааг илүү өөдрөг болгоно.

4. Баасан гарагийн үдэш олон цугларсан газар цуглах

Зарим Баасан гарагийн оройг найз нөхөдтэйгөө гадуур зугаалах, баяр тэмдэглэх өдөр гэж үздэг.

5. Долоо хоногийн хамгийн ажил багатай өдөр

Зарим байгууллага Баасан гарагийн үдээс хойш цагийн хуваарийг хөнгөлдөг эсвэл ажилчдад "half-day" (хагас өдөр ажиллах) боломж олгодог. Энэ нь ажлын стрессийг бууруулж, баяр баяслыг нэмэгдүүлдэг.

6. Долоо хоногийн амжилтаа дүгнэх

Долоо хоногт хийсэн ажлуудаа дүгнэж, амжилттай дуусгасан мэдрэмж ажилчдад эерэг хандлага төрүүлдэг. "Миний энэ долоо хоног үр дүнтэй өнгөрлөө" гэж бодох нь тэдний сэтгэл санааг өөдрөг болгодог байна.

Б.НОМТ

Энэ мэдээнд өгөх таны үнэлгээ

Хуваалцаарай Жиргээрэй