Судалгаа: У.Хүрэлсүхийн иргэдийн дэмжлэг нэмэгдэж, Х.Баттулгынх огцом унажээ

“МЭК” ХХК-аас Монголын нийгэм улс төрийн нөхцөл байдал, улс төрчид болон улс төрийн намын үйл ажиллагаанд өгч буй иргэдийн үнэлэмжид сар бүр тандалт хийж, үр дүнг танилцуулдаг.

Энэ удаагийн судалгаагаар Ерөнхийлөгч асан Х.Баттулга болон Ерөнхийлөгч У.Хүрэлсүх нарын 2017-2025 он хүртэлх иргэдийн дэмжлэгийг харьцуулан гаргажээ.

Ингэхдээ судалгааны мэдээллийг Улаанбаатар хот болон хөдөө орон нутагт оршин суудаг сонгуулийн насны квотчилсон санамсаргүй түүврийн аргачлалаар түүвэрлэж цуглуулсан байна. Улмаар тус мэдээллийг өчигдөр нийтэлжээ.

Ингээд үр дүнг танилцуулъя.

Ерөнхийлөгч У.Хүрэлсүхийг дэмжих иргэдийн дэмжлэгийг 10-100 хувиар тооцоолж үр дүнг дундажлан авч үзвэл,

• 2017 онд 8-12 хувь,
• 2018 онд 16-21 хувь,
• 2019 онд 20-30 хувь,
• 2020 онд хамгийн өндөр буюу 35-50 хувьд хүрчээ.

Үүнээс хойш буюу 2022 оноос түүний дэмжлэг тасралтгүй буурсаар 2025 оны долдугаар сарын байдлаар өмнөх оноос ялимгүй өсөж, 25 хувьд хүрчээ.

Харин Ерөнхийлөгч асан Х.Баттулгыг дэмжих иргэдийн дэмжлэгийн үр дүнг дундажлан үзэхэд дараах үр дүн гарч байна.

• 2017 онд 6-35 хувь,
• 2018 онд 25-29 хувь,
• 2019 онд 25-35 хувь,
• 2020 онд хамгийн өндөр буюу 28-36 хувьд хүрч байжээ.

Ингээд 2021 оноос эхлэн түүний дэмжлэг огцом буурсаар 2025 оны долдугаар сарын байдлаар 7 хувьд хүрсэн байна.

Д.ЦЭГЦ

Энэ мэдээнд өгөх таны үнэлгээ

Хуваалцаарай Жиргээрэй