Ө.Шижир: АН-ын даргад нэр дэвшигчдийг Их хурал хийх зардлаа гарга гэлээ. Бид ийм байдлаа өөрчлөх хэрэгтэй
УИХ-ын гишүүн Ө.Шижир Ардчилсан намын даргын сонгуульд нэр дэвших хүсэлтээ ҮБХ-ны дотоод сонгуулийн хороонд өгч, үг хэллээ.
Тэрбээр, Манай Ардчилсан нам орон байргүй. Албан ёсны нарийн бичиггүй таван жил болж байгаад сая хүн томилсон. Энэ байдлыг дахин давтаж, цааш үргэлжлүүлж болохгүй. Тиймээс эхлээд дүрмээ дараа нь арга ярья гэх байр суурийг өнгөрсөн хугацаанд илэрхийлсэн. Өнөөдөр манай нам Их хурлаа хийхдээ намын даргад нэр дэвшиж байгаа хүмүүс мөнгийг нь хувааж гарга гэх нөхцөл ярьж байна. Ер нь сүүлийн 15 жил ийм байдалтай байгаа учир манай намд өөрчлөлт, шинэчлэлт хэрэгтэй.
Их хурлаа хийхдээ хүртэл оролцох хүмүүсээс зардлыг нь гаргах байдлаар хандаж болохгүй. Бид өөрчлөгдөн, шинэчлэгдэх цаг болсон. Сүүлийн дөрвөн сонгууль дараалан ялагдлаа. Одоо бид гишүүдээ шинэчилж, ялдаг нам болох хэрэгтэй.
Дундговь аймгийн Сайнцагаанд байгаа намын гишүүнээр ядаж намын дүрмийн санал өгүүлдэг байх хэрэгтэй. Тэр хүн намынхаа дүрэмд санал өгсөн гэх итгэл үнэмшилтээ үлдэх ёстой. 100 гаруй хүний хооронд асуудлыг хэлэлцэж, дүрмээ ярьдаг байж болохгүй. Тиймээс ийм байдлуудыг өөрчилж, шинэчилье, шинэ нөхцөл байдалд аваачъя гэсэн байр суурьтайгаар би АН-ын даргад нэр дэвшиж байгаа.
Манай намын Ч.Лодойсамбуу, Л.Мөнхбаясгалан зэрэг гишүүдийг сүүлийн дөрвөн жил ҮБХ-нд ажиллаагүй гэх журам гаргаад хасчихсан. Үндсэн дүрмээс давсан журам гэж байхгүй. Бид олон нийтэд хаалгаа нээж, олон залууст боломж олгох ёстой. Би ийм өөрчлөлтийг л хийнэ.
АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.