Ховд аймгийн Булган сумын иргэн М.Мөнхбат төрсөн нутагтаа 4 га газрыг хамарсан нуур бүтээжээ. Мөн тэрбээр нуурынхаа хажууд 6,000 мод тарьж ургуулснаас гадна үржүүлгийнх нь мод 500 мянгад хүрсэн байна. Түүний хувьд байгалийн экосистемийг бүрдүүлж, баян бүрд бий болгохоор тасралтгүй таван жил хөдөлмөрлөж буй нь энэ.
-Нутагтаа нуур бүтээсэн байна. Учир шалтгааныг эхлээд асуумаар байна?
-Би таван жилийн өмнөөс эхлээд нутагтаа олон мод тарьж байгаа. Үржүүлгийн гэвэл 500 мянга, байгальд тарьж ургуулсан нь бол 10 мянга орчим. Үүнийхээ хажууд 4 га талбайг хамарсан нуур хийсэн юм. Усны шувууд хүртэл ирээд сайхан байгаа. Шалтгаан нь цаг уурын нөхцөл байдалтай холбоотой. Хөв цөөрөм байгуулна гэдэг тухайн газар нутагт, байгальд маш хэрэгтэй л дээ. Гадаргынхаа усыг цуглуулаад эндээ ашиглаад болчихсон гээд ярихад амархан санагдаж болох ч их хүч хөдөлмөр, сэтгэл зүтгэл шаардсан, амаргүй ажил юм байна. Миний хувьд нутаг орондоо хэрэгтэй ажлууд хийхийг хичээж ажилладаг. Түүндээ ч өөрөө дуртай.
-Нутгийнхан энэ буянтай ажилд их баярласан байх аа?
-Нутаг орныхон маань хамгийн сайн, сайхан үгсийг л хэлж урам өгч байна. Мэдээж сайхан шүү дээ. Эхний жил туршлагагүйтэж бүтэлгүйтсэн. Далан маань задраад усаа газар тариалангийн талбай руу алдсан. Харин энэ жил далангаа нэмж өргөсгөөд, нутагтаа би нуур бүтээж чадлаа.
-Хун хүртэл ирчихсэн байгаа харагдсан?
-Усны шувуу маш их ирдэг. Орой болохоор дүүрчхээд байгаа. Бүх төрлийн шувуу ирж байна. Би багаасаа л энэ нутагтаа байсан хүн. Анх удаа нуурандаа хун байхыг харлаа. Түүнийгээ бичиж аваад фэйсбүүкдээ оруулсан юм. Хүмүүс ч эерэгээр хүлээж авч байна. Шувууд үдлээд буцдаг сайхан газар болж байх шиг байна аа.
-Сайхан баян бүрд л бий болох нь ээ?
-Бараг болоод эхэлчихсэн гэж хэлж болно оо. Жил жилээр сайхан тордоод, нэмээд жимстэй, модтой, нууртай байгалийн гоё экосистемийг бүрдүүлж байна. Жимсний мод л гэхэд 800 орчим, гадна нь ойн зурвас үүсгэж тарьсан моднууд нь 5,000 хүрчихсэн байх. Энэ бүхэн таван жилийн хөдөлмөрийн үр шим. Мэдээж манай найз нөхөд, компанийн залуус, гэр бүлийнхний маань дэмжлэг, оролцоотойгоор бүтсэн юм шүү.
АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.
Мундаг хөдөлмөрч з�##�уу
Амжилт хүсье.
Жинхэн сэтгэлтэй хүү бна.буян гэж яриад бдаг тэр бол энэ үйл хэрэг мөн ..сав .шим ертөнцийн .амин чанартай бүхэн .баясан т�##�архаж.бгаа ..эрхэм дүүд .сайхан бүхнийг хүсье
Мундаг ажилсаг юмаа. Баян бүрд нь нутгаа чимэх болтугай