Европын комиссын Ерөнхийлөгч Урсула фон дер Лейен ням гарагт /2025.08.31/ Болгарт албан ёсоор айлчилсан юм. Тэрхүү айлчлалын үеэр фон дер Лейенийг тээвэрлэж явсан онгоцны GPS-ийг ОХУ гацаасан буруутгасан байна. GPS нь гацсаны улмаас тус онгоц цаасан газрын зураг ашиглан Пловдив хотод газардахаас өөр аргагүй хүрсэн юм.
Комиссын хэвлэлийн төлөөлөгч даваа гарагт /2025.09.01/ мэдээлэхдээ “GPS-ийг гацаасан явдал гарсан гэдгийг бид баталж чадна. Онгоц Болгарт аюулгүй газардсан. Болгарын эрх баригчдаас энэ нь ОХУ-ын хөндлөнгийн оролцоо байж магадгүй гэж сэжиглэж байгаа талаар мэдээлэл ирсэн” гэжээ. Тэр хэвлэлийн төлөөлөгч нэмж “ОХУ-ын дайсагнасан зан үйлийн нэг хэсэг болох заналхийлэх, айлган сүрдүүлэх явдалд бид дассан. Энэ үйл явдал Украинд бидний үзүүлж буй тусламжийг улам бататгах болно” хэмээсэн байна.
Кремлийн хэвлэлийн төлөөлөгч Дмитрий Песков энэ талаар “Financial Times” агентлагт мэдээлэл өгөхдөө “Таны мэдээлэл буруу байна” гэжээ.
Эх сурвалж: Euro News
АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.
Европын холбооны энэ авгай бол Америкийн масончуудын мафид үйлчлэгч муухай авгай. Оросыг гүтгэж доромжилох үүрэгтэй хүн. Олон муу европод хийж, ижил хүйстэнийг дэвэргэж, цагаачлагчдыг авчирсан хүн. Оросын эсрэг хажуугийн улсуудыг нь турхирч бдаг.