"Эрдэнэс Тавантолгой" ХК-д ноцтой ослууд гарч, 3 хүн амиа алдсаныг туслан гүйцэтгэгч компаниуддаа тохож байна
Сүүлийн үед “Эрдэнэс Тавантолгой” компанийн уурхайн талбайд хэд хэдэн ноцтой осол гарсны улмаас хүн бэртсэн, амиа алдсан гэсэн мэдээллээс цахим сүлжээнд мөн тавигдсан билээ.
Учрыг нягталж үзэхэд ослын дийлэнх нь Эрдэнэс Тавантолгой ХК-ийн туслан гүйцэтгэгч “Ти Ти Жи Ви Си Өү” компанийн талбайд гарсан болж таарав.
"TTJVCO" гэх уг компанийн ажлын талбайд он гарснаас хойш хэд хэдэн ноцтой осол гарч, хүний амь эрсэдсэн ч мэдээллийг гадагш задруулаагүй. Үйлдвэрийн осол хэмээн бүртгүүлээд өнгөрчээ. Харин өнгөрсөн наймдугаар сарын 27-нд болсон ослын зураг сошиалд тавигдсанаар, ослыг ЦЕГ баталсан.
Ослууд зөвхөн Хятад туслан гүйцэтгэгч компаниудад гарсан гэх
Тодруулбал, Өнгөрсөн наймдугаар сарын 27-ны /2025.08.27/ 06:00 цагийн орчимд "Эрдэнэс Тавантолгой” ХК-ийн уурхайн талбайд үйл ажиллагаа явуулдаг "TTJVCO" компанийн TRX 11-47 дугаартай 100 тонны даацтай самосвал осолдож, тус компанийн ажилтан 40 настай оператор залуу амиа алдсан харамсалтай осол гарсан. Одоогоор ослын дуудлага, мэдээллийн дагуу холбогдох шалгалтын ажиллагааг явагдаж байгаа тул үүнээс дэлгэрэнгүй мэдээллийг цагдаагаас өгөх боломжгүйг хэлж байна.
Харин ослын талаар тус компанийн ажилчдаас тодруулахад, “Талийгаачийн талаарх хувийн мэдээллийг өгөх боломжгүй. 14 хоногоор байрлаж ажилладаг сайн операторуудын нэг. Тухайн шөнө ээлжид гарч байсан бөгөөд өглөөний 07 цагт буух байсан. Ослыг техникийн саатал гэж бид бодож байгаа. Учир нь тухайн осол болдог өдөр талийгаачийн унаж гарсан самосвал бараг жил шахуу зогссон. Эхний гараан дээрээ ингэж осоолдсон. Тиймээс техникийн асуудалтай байсан байж магадгүй. Манай компанид сүүлийн үед хэд хэдэн осол гарсан. Хүмүүс ч бэртсэн гэж сонссон гэв.
Түүнчлэн өнгөрсөн зургаадугаар сард тус компанийн ажилчид хуулийн дагуу цалингаа нэмүүлэхээр төв талбайд жагссан. Гэсэн ч үр дүнд хүрээгүй. "TTJVCO" компанийн зүгээс ажлаасаа гарах нь гарч болно гэсэн тул зарим нь ажлаасаа гарч, удаан ажилласан хэд нь үлдсэн аж.
Мөн “Эрдэнэс Тавантолгой” ХК-ийн уулхайн талбайд он гарснаас хойш дөрвөн ноцтой осол гарч, гурван хүн амиа алдсан. Хүн бэртэж, хөдөлмөрийн чадвараа алдсан зэрэг үйлдвэрийн ослууд сүүлийн үед ихэссэн зэрэг мэдээллийг тус уурхайн ажилчид өгч байна. Үүний ихэнх нь "TTJVCO" компанийн талбайд болжээ.
Тодруулбал, Өнгөрсөн наймдугаар сарын 5-нд тус компанийн үйл ажиллагаа явуулж буй ЦЗУ-н А1.5.1 блокийн налуу замд ачаатай NTE240 №1041 парк дугаартай автосамосвал цахилгаан мотор асаж, хүч алдсан тул унтрааж, засвартаа дуудлага өгсөн байна. Дуудлагын дагуу тус компанийн автын цахилгаанчин дөрвөн ажилтан засварын үзлэг хийж байх үед машины тормосны ажиллагаа алдагдаж, хойд дугуйгаараа хана давж унасан. Ослын улмаас цахилгаанчид бүгд бэртсэн байна.
Уг ослыг компанийн зүгээс эмнэлгийн тусламж үзүүлэх шаардлагатай, үйлдвэрийн осол хэмээн бүртгэж, осол гарахад нөлөөлсөн хүчин зүйлсийг хяналт муу, хайхрамжгүй хандсан, ажлын буруу арга барил, налуу замд зогсохдоо техникийн аюулгүй байдал хангаагүйгээс болсон гэж үзжээ.
Мөн
- 2025.09.01 18:30 TTJVCO МТ 4400 1017 технологийн замд дээр шатсан,
- 2025.08.30-ны шөнө "КА Майнинг" ХХК үйл ажиллагааны талбайд том оврын автомашины дугуй салж унасан осол,
- 2025.08.30 “Эрдэнэс Тавантолгой” ХК-ийн төслийн баруун цанхид ажиллаж байсан оператор тогонд цохиулж хүнд бэртсэн,
- 2025.08.30 ЭТТ-н уурхайн талбайд шөнө осол гарсан зэрэг үйлдвэрийн осол хэвийн үзэгдэл болтлоо нэмэгдэж байгаа гэх мэдээлэл байна.
Осол ингэж нэмэгдэх болсон нь “Эрдэнэс Тавантолгой” ХК-д тогтоосон онцгой дэглэмийн хүрээнд Хөдөлмөрийн аюулгүй байдлын шинэ стандарт тогтоож, унтлагын цаг нь багассанаас болсон гэгдэж буй.
Тиймд эдгээр мэдээллийг “Эрдэнэс Тавантолгой” ХК-иас тодруулахад, “Ноцтой осол гарч, хүн бэртсэн, хүний амь эрсэдсэн мэдээлэл үнэн. Харин манай уурхайд машин шатсан гэх мэдээлэл худлаа. Эдгээр ослууд яг манай компанид болоогүй. Манайд он гарснаас хойш нэг ч үйлдвэрийн осол гараагүй. Бүгд туслан гүйцэтгэгч компаниудад гарсан. Онцгой дэглэм туслан гүйцэтгэгч компаниудад нөлөөлөхгүй байгаа. Зөвхөн манай дээр хэрэгжиж байна. Гүйцэтгэгч компаниуд бүгд өөр өөрсдийн гэсэн ХАБ-ын дүрэм, журамтай. Түүнийгээ өөрсдөө гаргадаг. Ажилчдын аюулгүй байдлыг тус бүрдээ хариуцан ажилладаг” гэлээ.
Тэгэхээр дээр дурдсан ослууд “Эрдэнэс Тавантолгой” ХК-ийн оруулалттай туслан гүйцэтгэгч компаниуд дээр тэр дундаа ихэнх нь TTJVCO дээр гарсан болж таарав.
TTJVCO гэх компани нь “Эрдэнэс Тавантолгой” ХК-ийн Өмнөговь аймгийн Цанхийн зүүн уурхайд туслан гүйцэтгэгчээр ажилладаг. ТОП 100 аж ахуйн нэгжийн 34-т жагсадаг. 2012 оноос монголд үйл ажиллагаа явуулж буй 100 хувь БНХАУ-ын хөрөнгө оруулалттай компани. Уг компанийн нэр нүүрсний сонсголд олон дурдагдсан. Ноцтой зөрчлүүд нь илэрсэн.
Гүйцэтгэх захирлаар нь нүүрсний акул Э.Оюутцэцэн ажиллаж байсан. Э.Оюутцэцэн нь “Эрдэнэс тавантолгой” ХК-ийн нүүрсний олборлолтыг 2012 оноос хойш хариуцаж байгаа. “Ти Ти Жи Ви Си Өү” ХХК нь “Эрдэнэс тавантолгой” ХК-тай гурван жил тутам гэрээ байгуулж, цааш сунгах зарчмаар монопол тогтоосон гэгддэг. Хамгийн сүүлд, “Ти Ти Жи Ви Си Өү” ХХК нь “Эрдэнэс тавантолгой” ХК-ийн Цанхийн зүүн уурхайн нүүрс олборлолтыг гүйцэтгэхээр 2021 онд 2.2 их наяд төгрөгийн гэрээ, 2024 онд 3.8 их наяд төгрөгийн гэрээг “Эрдэнэс тавантолгой” ХК-тай байгуулсан байдаг.
Мөн тус компанийн монгол ажилчид хуулийн дагуу цалин нэмээгүй. Илүү цаг зэргийг бодохгүй хөдөлмөрийн мөлжлөг явуулдаг зэрэг асуудлаар хэд хэдэн удаа жагссан. Хамгийн сүүлд өнгөрсөн зургаадугаар сард болсон жагсаалаар ажилчид нь төв талбайд үсээ хусаж, эсэргүүцэл илэрхийлж байсан юм.
Засгийн газар Онцгой дэглэм тогтоож, БЭТ томилсноос хойш ослууд гарсаар байна
Энэ оны долоодугаар сард Засгийн газрын ээлжит хуралдааны үеэр Зам тээврийн хөгжлийн сайдын оруулж ирсэн асуудлыг хэлэлцэж, "Эрдэнэс Тавантолгой" дээр онцгой дэглэм тогтоох шийдвэрийг гаргасан. Учир нь, "Эрдэнэс Тавантолгой" дээр авлига, нүүрсний хулгай, хүнд суртал бий болоод удаж байна гэж яригдах болсон билээ. Энэ асуудал нүүрсний экспортод сөргөөр нөлөөлж буй тул Засгийн газраас онцгой дэглэм тогтоох арга хэмжээ авахаас өөр аргагүй болсон байна.
Төсвийн орлогын тодорхой хувийг бүрдүүлдэг “Эрдэнэс Тавантолгой" компанийн гүйцэтгэх захирлын үүрэг гүйцэтгэгчээр Х.Мөнхжаргалыг томилсон. Мөн Засгийн газрын шийдвэрээр Зам тээврийн яам, Аж үйлдвэр, эрдэс баялгийн яам, Сангийн яам, Эдийн засаг хөгжлийн яамнаас тус тус БЭТ-ийн баг томилуулж ажиллуулна гэчхээд, өөрөөр хэлбэл тус компанид үүсээд байгаа асуудал, зөрчил, доголдлыг бүх шатанд хянаж явах ёстой үүрэгтнүүд нь өнөөдөр 3 хүний амь нас үрэгдсэн осол гарчхаад байхад Засгийн газрын хэрэг эрхлэх газрын дэд дарга бөгөөд “Эрдэнэс Тавантолгой” ХК-ийн Бүрэн эрхт төлөөлөгчийн ахлагч У.Бямбасүрэн дуугарсангүй.
Мөн энэ хугацаанд ЭТТ ХК дээр үүсээд буй нүүрсний хулгайн асуудлыг ч сөхөж, БЭТ-ийн хувьд болоод, Засгийн газрын Онцгой дэглэмийн хүрээнд ямар ажил үүрэг гүйцэтгэж, хяналт шалгалт хийж байгаа нь ч тодорхойгүй хэвээр байна.
Цаашид тус компанид гарсан ослуудыг туслан гүйцэтгэгч рүүгээ тохсоор байх уу.
Д.ЦЭГЦ
АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.
Ажилчдынхаа амь насыг үнэгүйдүүлсэн компани болжээ
Гадныханд т�##�байгаа өгчихөөд монгол хүний амь насыг тоохгүй байна
Хятадын компанийн өмнө ЭТТ толгойгоо бөхийлгөдөг боллоо
Хөдөлмөрийн мөлжлөг гэж үүнээс өөр юуг хэлэх вэ
Ц�##�ин нэмүүлэхээр жагссан ажилчдаа дарамт�##�сан нь шударга бус
Осол болоод байхад нуун дарагдуулж байгаа нь хууль бус
БЭТ гэж онцгой дэглэмийн нэр барьсан хүмүүс огт хян�##�т тавихгүй байна
Ажилчид үсээ хусаад гудамжинд эсэргүүцэж байхад төр дүлий мэт суусан
Монголын баялгийг ухаж байж монгол ажилчнаа үнэлдэггүй нь харамс�##�тай
Нэг компанид гурван жил тутам гэрээ сунгаж монополь тогтоосон нь авлигын үнэртэй
Гадаадын компанид бүх ажлаа даатгаад хян�##�тгүй орхидог нь хариуцлагагүй
Техникийн аюулгүй байдлыг хангахгүй байж олборлолт хийдэг нь ноцтой
Хөдөлмөрийн аюулгүй байдлыг зөрчиж байгаа нь ил тод байна
Нэг компанид дара�##�ан осол гараад байхад гэрээгээ сунгадаг нь ойлгомжгүй
Засгийн газар онцгой дэглэм тогтоосон нэртэй ч бодит үр дүн �##�га
Нүүрсний хулгай гэж яриад байгаа хэрнээ осол аваар дээр ам ангайхгүй байгаа нь сонин
Хамгийн их ашиг олдог уурхайд ажилчид хамгийн дорд нөхцөлд ажиллаж байна
Олон хүний амь эрсдээд байхад дарга нар хариуцлага хүлээдэггүй нь шударга бус
Ажилчдынхаа амь насыг хамга�##�ахгүй байж ашиг яриад байх нь хэнд хэрэгтэй вэ
Хуулийн байгууллага яагаад дорвитой ш�##�г�##�т хийж ил тод мэдээлэхгүй байна
Бэртэж хөдөлмөрийн чадвараа �##�дсан хүмүүсийг тоохгүй өнгөрч байна
Төрийн өмчит компанид ийм ноцтой ослууд тасрахгүй байгаа нь ичмээр
Нэг т�##�даа нүүрсний хулгай нөгөө т�##�даа хүний амь хохирол хоёр зэрэгцэж байна
ЭТТ өөрийгөө цэвэрхэн болгож харагдуулах гэж бүхнийг туслан гүйцэтгэгч рүү чихэж байна
Хөдөлмөрийн аюулгүй байдлын стандарт мөрддөггүй гэдэг нь нотлогдож байна
Төрийн хян�##�т үнэхээр сул байгааг харуулж байна
Техникийн саат�##�тай машинаар ажил хийлгэж хүний аминд хүрсэн байна
Гадаад компанид эрхшээлд орсон уурхай шиг харагдаж байна
Нэг осол болоход сургамж авах ёстой ат�##� дараагийнх нь давтагдаж байна
Засгийн газрын томилсон БЭТ нэр төдий ажиллаж байна
Ажилчдаа хамга�##�ахгүй компани Монголд ажиллах ёсгүй
Ашгийн төлөө хүний амь нас золиослогдож байна
Үйлдвэрийн ослыг хэвийн мэтээр ойлгуулж байгаа нь санаатай төөрөгдүүлэлт
Төрийн өмчит компанид ийм их хян�##�тгүй байж болохгүй
Хятад компанид монгол ажилчин хоёрдугаар зэрэгт тооцогдож байна
Ажилчдынхаа эсэргүүцлийг хүчээр дарах гэж оролддог нь харгисл�##�
Төрөөс тавьсан онцгой дэглэм ажилчдын унтах цагийг багасгасан гэж байгаа нь үнэн бол ноцтой
Төр нь ч компани нь ч хүний амийг хамга�##�ах сонирхолгүй боллоо
Нэг л компани дахин дахин осол гаргаж байхад гэрээгээ сунгадаг нь хуйв�##�даан шиг харагдаж байна
Төрийн байгууллагуудын чимээгүй байд�##� өөрөө том асууд�##�
Нүүрсний мөнгөний төлөө монгол хүний амь нас үнэгүйдэж байна
Хөдөлмөрийн хуулийг ноцтой зөрчиж байгааг ил тод харуулж байна
Ажилчдын эрүүл мэндийн асуудлыг үл тоомсорлож байна
Монгол ажилчид өөрийн нутагт гадныханд дарлуулж байна
Ослыг дарагдуулж мэдээлэхгүй өнгөрөх нь гэмт хэрэгтэй адил
ЭТТ дээр тогтоосон онцгой дэглэм зөвхөн нэр төдий ажил болжээ
Ц�##�ингаа нэмүүлэхээр шаардсан ажилчдаа доромжилсон нь ноцтой зөрчил
Төрийн өмчит компанид хүний эрхийн ноцтой зөрчил гарсаар байна
Монголд үйл ажиллагаа явуулж байгаа гаднын компаниуд хян�##�тгүй байна
Хариуцлага �##�дсан дарга нарын сууд�##� хэвээрээ байгаа нь шударга ёс �##�га гэдгийг харуулж байна