"Сумынхаа 880 хүүхдийн эрүүл мэнд, өсөлтийг дэмжихээр 80 сая төгрөг төсөвлөн, сүү өгч эхэллээ"
Хөвсгөл аймгийн Эрдэнэбулган сум орон нутгийн төсвөөсөө хүүхэд бүрд сүү өгөхөөр болсон байна. Ингэхдээ долоо хоногийн даваа, лхагва, баасан гарагт сургуулийн сурагч, цэцэрлэгийн хүүхдүүдэд 150 гр сүүг өгөх юм.
Энэ талаар тус сумын Засаг дарга Б.Эрдэнэнарангаас тодруулахад "Монгол хүүхдүүдийн 78 хувь нь шүдний цооролтой гэх судалгаа бий. Мөн хүүхдийн өсөлт хөгжил, эрүүл мэндийг чухалчлан үзэж орон нутгийнхаа төсвөөс 80 сая төгрөгийг "Сүү хөтөлбөр"-т зарцуулах шийдвэрийг гаргасан. Улмаар өчигдрөөс /2025-09-08/ эхлэн манай суманд "Сүү хөтөлбөр" хэрэгжиж эхлээд байна. Сумын сургуулийн 1-12 дугаар ангийн 630, цэцэрлэгийн 250 хүүхдэд долоо хоногийн гурван өдөр 150 гр сүүг өгөх юм. Энэ хөтөлбөр хэрэгжиж эхэлсэнд эцэг эхчүүд болон багш, сурагчид сайшаалтай хүлээн авч байгааг дуулсан. Бид тус сүүн бүтээгдэхүүнийг сумандаа үйл ажиллагаа явуулдаг "Цэгээн эг" хоршооноос авч буй" хэмээсэн юм.
Г.МИШЭЭЛ
АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.
зөв дөө гэхдээ өөрийн чинь компани биш биз дээ
kk Тэмээ гэхээр ямаа гээд нээрээ гүрьгүй хүмүүс шүү. Нэмж хэлхэд /баглаанаас хархад :Их жижиг сав�##�гаатай / харагдана. Орцыг нэмэгдүүлж /үр дүн/-г нь улир�##� бүрд улс даяар тайлашгаж байв�##� :Улс орон даяар хэрэгжүүлбэл м�##�ын буян нь байж байна. Чух�##� сэдэв л харагдаад байна даа.
Согуулийн хууль зөрчиж бүтэн 3 жилийн өмнө сонгуулийн шоугаа эхлүүлжээ.