Цахилгаан дамжуулах үндэсний сүлжээ ТӨХК-ийн ажилтан ажлын байран дээрээ тогонд цохиулж нас барсныг зүрхний шигдээсээр нас барсан болгож өөрчилжээ.
Тодруулбал, ЦДҮС ТӨХК-ийн Төвийн бүсийн салбарын тээвэр механикийн хэсгийн тусгай зохицуулалтын машины жолоочоор ажиллаж байсан Ц.М энэ сарын 16-ны өдөр ажлын байран дээрээ машинтайгаа тогонд цохиулж, улмаар амь насаа алдсан хэрэг гарчээ.
Хэргийн газар цагдаагийн байгууллагаас ажилласан байна. Мөн есдүгээр сарын 17-нд Сэлэнгэ аймгаас шүүх шинжилгээний баг цогцост задлан шинжилгээ хийхээр Сайхан суманд очжээ. Задлан шинжилгээний дараа эмч нар ар гэрийнхэнд нь эхний байдлаар зүрх нь хаагдсан гэх дүгнэлт танилцуулсан байна.
Тиймд амь хохирогчийн эхнэр “Тогонд цохиулсан хүнийг зүрхний шигдээсээр нас барсан болгосонд гомдолтой байна” хэмээн хэвлэлд хандаад байна.
Харин дээрх хэргийн талаар ЦЕГ-аас тодруулахад, "Есдүгээр сарын 16-нд энэ талаарх дуудлага мэдээлэл Сэлэнгэ аймгийн цагдаагийн газарт бүртгэгдсэн байна" гэлээ.
Д.ЦЭГЦ
АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.