Цалинг "Г.Занданшатар 15-30 хувь нэмсэн. Л.Оюун-Эрдэнэ нэмээгүй" гэснийг Л.Энх-Амгалан үгүйсгэлээ
Боловсрол болон эрүүл мэндийн салбарынхан цалингаа нэмүүлэхийн шаардсаар байгаа. Ажил хаялтууд ч хэвээр үргэлжилж байна.
Үүнтэй холбоотойгоор цахим орчинд өчигдрөөс, "Л.Оюун-Эрдэнэ 4 жил 127 хоног засаглахдаа багш, эмч нарын цалинг нэмээгүй бол Г.Занданшатар 4 сар засаглахдаа тэдний цалинг 15-30 хувиар нэмжээ" хэмээх мэдээлэл хөвөрсөн юм.
Тэгвэл энэхүү мэдээллийг сайд асан Л.Энх-Амгалан үгүйсгэжээ.
Тэрбээр, "Харлуулна харлуулна гэхэд ингэж харлуулахгүй шүү. Бид загасны ойтой байж болно. Харин монгол төрийн ой санамж гэж байх ёстой. 2021 онд боловсролын салбарын цалингийн фонд 0,9 их наядыг хүлээн авч, 2024 онд 2.4 их наяд буюу цалингийн санг хоёр дахин өсгөж хүлээлгэж өгсөн шүү, Л.Оюун-Эрдэнийн Засгийн газар" гэжээ.
Ташрамд, багш, эмч нарын цалин одоогоор нэмэгдээгүй байгаа бөгөөд УИХ дахь МАН-ын бүлэг, ажлын хэсгийн түвшинд 15-30 хувиар нэмэх агуулгууд яригдаж байна. 2026 оны улсын төсөв ирэх сарын 15-ны дотор батлагдах тул цалин нэмэгдэх эсэх нь тэр үед тодорхой болох юм. Одоогоор дөнгөж саналын түвшинд өрнөж буй. 15-30 хувиар нэмэх саналыг багш, эмч нарын аль нь ч одоогоор хүлээн зөвшөөрөөгүй байгаа билээ.
У.УЯН
АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.
Жүдэмбээгийн пиар баг дэндүү увайгүй ажиллаж байгаа
Хахаха ц�##�ингийн санг л өсгөөд байсан болхоос ц�##�ин нэмээгүй шүү дээ тэмээ ямаа гэдэг шиг ш�##� өөр 2 асууд�##� шүү хахаха...