Европын холбооны сангийн сайд нар ОХУ-ын царцаасан хөрөнгийг Украины төлөө ашиглахыг дэмжлээ
Европын холбооны сангийн сайд нар ОХУ-ын царцаасан хөрөнгийг ашиглан Украинд туслах нь хамгийн үр дүнтэй гэж санал нэгджээ. Европын комиссын Ерөнхийлөгч Урсула фон дер Лейен Украиныг санхүүжүүлэх гурван боломжит хувилбарыг танилцуулсан юм. Эдгээр нь Европын холбоо урт хугацааны бонд гаргах, Европын холбооны орнууд тус тусдаа бонд гаргах эсвэл ОХУ-ын царцаасан хөрөнгийг ашиглах байжээ.
Дани улсын Эдийн засгийн сайд Стефани Лосе хэлэхдээ ОХУ-ын царцаасан хөрөнгийг ашиглан Украинд нөхөн төлбөрийн зээл олгох нь нэн тэргүүний зорилт байх ёстой гэсэн юм. Хэрвээ ОХУ-ын царцаасан хөрөнгийг ашиглавал Европын холбооны гадаад өр нэмэгдэхгүй мөн Украинд 163.3 тэрбум ам.доллар хүртэлх тусламж үзүүлэх боломжтой. Үүнийг зээл хэлбэрээр олгоно гэж байгаа ч Украин ОХУ-аас нөхөн төлбөр авсан тохиолдолд л буцааж төлөх шаардлагатай. Ийм учир нэг талаараа буцалтгүй тусламж болж байгаа юм.
Эх сурвалж Foreign Policy
АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.