МАН-ын 31-р Их Хурал энэ бямба, ням гарагт /2025.11.15-16/ Буянт-Ухаа спорт цогцолборт болно.
Урьдчилсан байдлаар Их хурлаар, Намын даргаа сонгоно, Бага хурлын бүрэлдэхүүнээ шинэчилнэ, намын дүрмээ баталж, УДШ-д хүргүүлнэ.
Энэ удаагийн хуралдаанаа “эв нэгдэл-шийдэл-хөгжил” хэмээн тодорхойлжээ. Бүтэн хоёр сар талцан хуваагдсан хэрүүл тэмцэлдээ цэг тавигдана гэх хүлээлт бий.
Нэн тэргүүнд даргаа сонгоно. Өнөөдөр тус намын дарга тодорно. Бага хурлаар “үзэлцсэн” Ерөнхий сайд Г.Занданшатар, УИХ-ын дарга асан Д.Амарбаясгалан нарын хэн хэн нь нэрээ татчихсан. Мөн Хотын дарга Х.Нямбаатар, ХХААХҮ-ийн сайд Ж.Энхбаяр нар өрсөлдөхгүй гэдгээ илэрхийлчихсэн. Одоогоор Н.Учрал гэсэн ганцхан нэр тодорхой болоод буй юм.
Дараа нь, дүрэм болон хөтөлбөрөө өөрчилнө. Өчигдөр дүрмийн төслийг боловсруулах салбар хуралдаан болсон. Дараах саналуудыг хэлэлцжээ.
- Ялсан намын дарга Ерөнхий сайдад нэр дэвшинэ гэсэн заалтыг хасах, эсхүл УИХ дарга, УИХ бүлгийн дарга болгох
- Ялсан үед намаас нэр дэвшиж, УИХ-оос сонгогдсон Ерөнхий сайд намын мөрийн хөтөлбөрийг заавал хэрэгжүүлэх тухай нэмж оруулах.
- Намын Бага хурлын гишүүнд зөвхөн намын ИХ ХУРЛЫН төлөөлөгчийг дэвшүүлж сонгох, намын анхан шатны нэгжийн төлөөллийг түлхүү оруулах
- 20.1-т мөн дүүргийн иргэдийн хурлын дарга нар бодлогоор орох тухай нэмж оруулах
- Бага хурлын гишүүний татварыг давхардуулж, анхан шатны дарга нарааас авахгүй бөгөөд анхан шатанд гаргасан зардлыг дүйцүүлж тооцох
- Намын УЗ-д анхан шатны жирийн гишүүдийн төлөөлөл оруулах
- Намын хяналтын нэгжүүдийн эрх мэдлийг нэмэх, үйл ажиллагааг сайжруулах,
- 8.6 буюу бүх асуудлыг Хяналтын ерөнхий хороо төвлөрүүлэн шийдэх заалтыг хасах, хяналтыг хараат бусаар хэрэгжүүлэх
АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.