Бразил улсад COP30 НҮБ-ын цаг уурын өөрчлөлтийн дээд хэмжээний уулзалт зохион байгуулагдаж буй. Пүрэв гарагт /2025.11.20/ уулзалт явагдаж байсан барилгад гал гарсан тул нүүлгэн шилжүүлэлт хийж, хэлэлцээ тасалджээ.
Хэлэлцэж буй гишүүн орнууд зөвшилцөлд хүрэхэд 24 цаг хүрэхгүй хугацаа л үлдсэн байгаа. Тэгтэл пүрэв гарагт орон нутгийн цагаар үдийн хоолны цагийн дараа үзэсгэлэнгийн павильонд гал гарчээ. COP30-ын зохион байгуулагчид мэдээлснээр 13 хүн утаагаар амьсгалсан тул эмнэлгийн тусламж үзүүлсэн байна. Орон нутгийн гал унтраах алба мэдээлснээр цахилгаан тоног төхөөрөмж буюу богино долгионы зуухнаас гал эхэлсэн байх магадлалтай аж.
Гал гарсны улмаас пүрэв гарагийн хэлэлцээг цуцалж, өнөөдөр өглөөнөөс л дахин эхлүүлэх болжээ. Дээд хэмжээний уулзалт өнгөрсөн лхагва гараг /2025.11.19/ гэхэд зөвшилцөлд хүрнэ гэж мэдэгдэж байсан ч үүнийгээ гүйцэтгэж чадаагүй юм. Одоо COP30 ямар нэгэн зөвшилцөлд хүрэхэд 24 цаг хүрэхгүй хугацаа үлдээд байна.
Эх сурвалж: Reuters
АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.