Хувийн сургуулийн дипломтой, шүүгчийн туслахууд Гэр бүл, хүүхдийн дагнасан хэргийг шүүнэ

О. Онон19 мин

0 2 минут уншина

Монгол Улс Гэр бүл, хүүхдийн хэргийн дагнасан шүүхтэй болж буй. Угтаа Улсын хамгийн үнэт капитал болох гэр бүлийн асуудлыг дэнслэх шүүгч боловсрол, туршлага, арга барилаараа тэргүүлэх боловсон хүчнийг томилох байх гэх хүлээлт олон нийтийн дунд байсан. Гэтэл 141 хүнээс сонгогдсон гурван мэргэжилтний хоёр нь УДШ-ийн шүүгчийн туслах, нөгөө нь Сэлэнгэ аймаг дахь шүүхийн Тамгын газарт шүүхийн туслахын алба хашдаг байна.

Тодруулбал, УИХ-аас Монгол Улсын Их Хурлаас 2024 оны 06 дугаар сарын 05-ны өдөр баталсан Шүүх байгуулах тухай хууль /Шинэчилсэн найруулга/-иар Нийслэл дэх Гэр бүл, хүүхдийн хэргийн анхан шатны тойргийн шүүх, улсын хэмжээнд Гэр бүл, хүүхдийн хэргийн давж заалдах шатны шүүхийг тус тус байгуулахаар хуульчилсан. Ингэснээр 2026 оны нэгдүгээр сарын 1-нээс тус шүүх хэвийн ажиллахаар болсон байдаг.

Улмаар Гэр бүлийн шүүхэд ажиллах шүүгчдийн сонгон шалгаруулалтад 140 гаруй хуульч бүртгүүлж шалгалтыг тодорхой хугацаанд өрнүүлж, 141 хуульчаас гурвыг нь шаардлага хангасанд тооцоод буй. Тус гурван хүний боловсрол, ажлын туршлагын талаарх мэдээллийг хүргэж байна.

Хувийн сургуулийн бакалаврын дипломтой, Сэлэнгэ аймаг дахь шүүхийн Тамгын газарт шүүхийн туслах Б.Болормаа

Боловсрол

1998-2008 онд Нийслэлийн 75 дугаар сургууль
2009-2013 онд Сутай дээд сургууль, эрх зүйч, бакалавр

Туршлага, мэргэжлээрээ ажилласан жил

2017-2018 онд Сэлэнгэ аймаг дахь шүүхийн Тамгын газарт шүүх хуралдааны нарийн бичгийн дарга
2018 оноос Сэлэнгэ аймаг дахь шүүхийн Тамгын газарт шүүхийн туслах

Хувийн сургуулийн диплом өвөртөлж, 10 жил шүүгчийн туслах хийсэн Г.Баттуяа

Боловсрол

1993-2003 онд Хөвсгөл аймгийн Мөрөн сумын Дэлгэрмөрөн цогцолбор сургууль
2004-2009 онд Улаанбаатар-Эрдэм судлал дээд сургууль, эрх зүйч, бакалавр

Туршлага, мэргэжлээрээ ажилласан байдал

2012-2013 онд Баянгол дүүргийн шүүхэд шүүх хуралдааны нарийн бичгийн дарга
2013-2015 онд Дүүргийн Эрүүгийн хэргийн анхан шатны хоёрдугаар шүүхэд шүүх хуралдааны нарийн бичгийн дарга
2015-2016 онд Баянгол, Хан-Уул, Сонгинохайрхан дүүргийн Эрүүгийн хэргийн анхан шатны шүүхэд шүүх хуралдааны нарийн бичгийн дарга, шүүгчийн туслах
2016-2018 онд Сонгинохайрхан дүүргийн Эрүүгийн хэргийн анхан шатны шүүхэд шүүгчийн туслах
2018-2019 онд Нийслэлийн Эрүүгийн хэргийн давж заалдах шатны шүүхэд шүүгчийн туслах
2019 оноос УДШ-ийн Эрүүгийн хэргийн танхимд шүүгчийн туслах-шинжээч, Ерөнхий шүүгчийн туслах-нууцын эрхлэгч ахлах мэргэжилтэн

УДШ-д таван жил шүүхийн туслах хийсэн П.Тулга

Боловсрол

2000-2010 онд Нийслэлийн 50 дугаар сургууль
2010-2014 онд Шихихутуг их сургуулийг эрх зүйч мэргэжлээр төгссөн
2023 онд МУИС-ийг Хууль зүйн ухааны магистраар төгссөн байна.

Туршлага, мэргэжлээрээ ажилласан байдал

2015-2017 онд Шүүхийн шийдвэр гүйцэтгэх газарт мэргэжилтэн, ахлах мэргэжилтэн
2018 онд Хүний эрхийн үндэсний комисст ажилтан
2019-2020 онд Баянзүрх, Сүхбаатар, Чингэлтэй дүүргийн Эрүүгийн хэргийн анхан шатны шүүхийн Тамгын газарт шүүх хуралдааны нарийн бичгийн дарга
2020-2021 онд Монгол Улсын дээд шүүхийн Тамгын газарт шүүх хуралдааны нарийн бичгийн дарга, шүүгчийн туслах
2022 оноос Монгол Улсын дээд шүүхийн Тамгын газарт танхимын тэргүүний туслах

Энэ мэдээнд өгөх таны үнэлгээ