Мансуурсан иргэн тээврийн хэрэгсэл жолоодож явахдаа бусдыг хутгалсан хэргийг Цагдаагийн байгууллагаас шалгаж байгаа аж. Тодруулбал, "Сүхбаатар дүүргийн нутаг дэвсгэрт гэрэл дохиотой уулзвар дээр танихгүй хүн миний гар руу хутгалчихлаа" гэх дуудлага мэдээлэл энэ сарын 20-ны өдөр цагдаагийн байгууллагад бүртгэгдсэн байна.
Дуудлага мэдээллийг хүлээн авч шалгахад "20 гаруй насны нэр бүхий иргэн нь мансуурсан үедээ Тoyota crown маркийн .... улсын дугаартай машиныг жолоодож яваад, гэрлэн дохионы орчимд байсан иргэнийг хутгаар зүсэж, биед нь гэмтэл учруулсан нь" урьдчилсан байдлаар тогтоогджээ. Түүнчлэн хэргийн газраас эд мөрийн баримтаар бор шаргал өнгийн модон иштэй 27 см урттай хутга, мансууруулах үйлчилгээтэй эмийн төрлийн зүйлс зэргийг хураан авсан байна.
Хар тамхи, мансууруулах эм, сэтгэцэд нөлөөт бодистой холбоотой гэмт хэрэгт өсвөр залуу үеийнхэн ихээр холбогдох нөхцөл байдал тогтоогдож байгаа тул эцэг эх асран хамгаалагчид та бүхэн хүүхдэдээ тавих хараа хяналтаа сайжруулж, тойрон хүрээллийг нь сайтар анзаарахыг цагдаагийн байгууллагаас анхаарууллаа.
Б.АЗЖАРГАЛ
АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.
Золбин ардчиллын гай гэж энэ дээ.
За энэ мансуурагч нар ийнхүү цаазаар авахуулдаг юм байж байнга согтуу галзуу мансуурсан хүнээс доор сэтгэхүйтэй энэ их хурлын гишүүдээ яахын та нар орой энэ тэнд зогсоогоод шалгаарай.Ихэнх нь согтуу галзуу яваа шүү мансуурсан ч явж магадгүй
Энэ мансуурал+ архидалттай шаргуу тэмцэхгүй бол ёстой асуудал үүснэ шүү. 3 хан сая хүнтэй тэгээд бас мансуурна……