Цэргийн онц байдал зарлахын өмнө хоёр тагнуулын ажилтныг Монгол руу илгээсэн нь Юн Сок Ёлтой холбоотой
БНСУ-ын KBS телевиз улсынхаа одоогийн цэргийн тагнуулын байгууллагыг шинэчлэх төлөвлөгөөнд тулгарч буй асуудлуудын талаар сурвалжилсан билээ. Уг сурвалжилгын явцад ноцтой асуудал ил болсон талаар мөн мэдээлжээ.
Гадаад тагнуулыг хариуцдаг Батлан хамгаалах тагнуулын газрын Тагнуулын командлалд нууц агентуудын мэдээлэл зэрэг маш нууц мэдээлэл их хэмжээгээр задруулсан хэрэг гарч, үүний улмаас хилийн чанад дахь ажиллагаанууд нь бүтэлгүйтсэн. Гэтэл өнөөг хэр зохих хэмжээний шинэчлэл огт хийгдээгүй хэвээр байна.
Өнгөрсөн оны 2024 оны 11 дүгээр сарын 18-нд цэргийн онц байдал зарлахаас хоёр долоо хоногийн өмнө, Хойд Солонгосын эсрэг тагнуулын ажиллагаа явуулахаар Монгол Улсад очсон Тагнуулын командлалын хоёр ажилтан баривчлагдсан. Тэд бол нууц ажиллагааны тусгай ажилтнууд байсан бөгөөд Монголын эрх баригчид тэдний хэн болохыг аль хэдийн мэдэж, тус улсын тагнуулын байгууллагынхан илрүүлэн баривчилж, БНСУ руу буцаан удирдлагуудад нь хүлээлгэн өгсөн билээ.
Үүнээс өмнө, өнгөрсөн 2024 оны 6 дугаар сард Цэргийн тагнуулын албаны нэг ажилтан Хятадын тагнуулын ажилтан байж болзошгүй этгээдэд нууц мэдээлэл задруулсан хэргээр илэрсэн байдаг. Тухайн мэдээлэлд тусгай ажилтны хувийн мэдээлэл, гадаад дахь баазуудыг халхавчлан ажиллуулдаг компаниуд, мөн Хойд Солонгост хамтран ажилладаг Өмнөд Солонгосын иргэдийн нэрсийн жагсаалт багтсан бөгөөд энэ нь жинхэнэ утгаараа “маш нууц” ангиллын мэдээлэл байжээ.
Мэдээлэл задруулсны дараа Тагнуулын алба хилийн чанад дахь бүх агентуудаа яаралтай татан авч, Монголын хэрэг явдлын дараа цаашдын гадаад томилолтыг бүрэн зогсоосон.
Тагнуулын албаны дотоод эх сурвалжууд “гадаад тагнуулын сүлжээ бараг бүрэн нуран унасан” хэмээн мэдээлжээ.
Ийм нөхцөлд байгууллагын бүтэц, хүний нөөцийг шинэчилж, шинэ агентууд бэлтгэх ёстой байсан ч KBS-ийн тусгай сурвалжилгын үр дүнд Цэргийн тагнуулын алба хүний тагнуулын нэгжийн нэрийг “900 дугаар бригад”-аас “100 дугаар бригад” болгон өөрчилснөөс өөр бодит шинэчлэл хийгдээгүй нь тогтоогдсон байна.
Цэргийн онц байдлын үеэр Үндэсний сонгуулийн хороог хяналтдаа авах ажиллагааг бэлтгэж байсан Тагнуулын командлалын нэг хурандаа нь мэдээлэл задруулсан этгээдийн шууд удирдлага байсан боловч үүрэгт ажлаасаа гурван сарын хугацаанд чөлөөлөгдсөний дараа дахин ижил бригаддаа буцаж орсон байсан юм.
Өмнөд Солонгосын ерөнхийлөгч асан Юн Сок Ёл Монголд болсон энэ үйл явдалтай холбоотой болохыг тус улсын хэвлэлүүд удаа дараа мэдээлсэн. Дээрх тагнуулын хоёр ажилтан нь онц байдал зарлахаас хэдхэн хоногийн өмнө Монгол дахь Хойд Солонгосын Элчин сайдын яамтай холбоо тогтоохоор холбогдох хүмүүстэй уулзсан. Түүнчлэн Өмнөд Солонгосын цэргийн дотоод баримт бичгүүдэд Хойд Солонгосын Элчин сайдын яам руу хандах зорилготой байсан тухай баримтууд байсан гэгддэг.
Өнгөрсөн 11-р сард Юн Сок Ёлыг Өмнөд болон Хойд Солонгосын хооронд дайн өдөөх гэж оролдсон хэмээн прокурорууд үзсэн. Прокурорууд цэргийн онц байдалд оролцсон армийн албан тушаалтнуудын гар утас гэх мэт зүйлсийг хураан авахад хэд хэдэн баримт олдсон билээ. Нотлох баримтууд дунд дрон, нарийвчлалтай цохилт өгөх гэх мэт Хойд Солонгосыг өдөөн хатгахаар төлөвлөж байсныг илтгэх үг хэллэг бүхий мессежүүд байсан юм.
Юн Сок Ёлын шүүх хурал ар араасаа болсоор байгаа бөгөөд эхний хэрэг дээр шүүхээс мөрдөн байцаах явцыг саатуулах гэж оролдсон хэргээр 5 жил хорих ял оноосон юм.
Т.БАТСҮРЭН
Холбоотой агуулгыг эндээс уншина уу
АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.
ene medee unshaad mash ih ergelzee turj bna uls ornii ayulgui baidliig iim hemjeegeer aldaad baij boloh uu gej bodogdoj bna ergeed hen hariutslaga huleeh ve gedeg todorhoi bish sanagdaj bna
bi neg l yum oilgohgui bna ene ih noots medeelel aldaad bhad darga nariin tolgoi ergeed ajlaasaa buugaagui baigaa ni shudarga yosond niitseh uu esvel dotoroo neg negnee hamgaalaad bgaa yum uu
manai ulsad barivchlagdsan gesen neriig sonsood shokond orson shuu manai uls gej bodohoor taluudyn togloomond orood bgaa yum shig sanagdaad aimaar
ene bol zugeer neg aldaanii asuudal bish harin buhel buten togtsoloo aldsan gej haragdaj bna ner soliosnoos oor yu ch hiigeegui ni doromjlol shig
bi solongosiin ard tumniig urgun dargad ni itgeh itgel ni ih aldagdsan baih gej bodoj bna iim medeelel olon davtagdval uls oron dotroo ch togтворgui bolno
yun sok yol gedeg hunii ner dandaa iim muuhai zuiltei holbogdoj garj ireh yum daa anh songogdohdoo ih l uur oor haragdsan sanagddag
ene buhnii tsaana yu nuugdaj bgaag bid medehgui ch gesen medeelel zadarsan ni bodit unen bolohoor neg l buruu yum yavj bna
manai ulsad orj ireed barivchlagdsan ni uursduu l asuudaltai baisni ilrel baih gehdee manai tal yaj ilruulsen ni sonirholtoi
bi lav tagnuuliin ajil ingej baahan sul talgaar hiigddeg gej boddoggui bsan odoo bol kino shig l sanagdaad bna gehdee ene bodit amidral
ene asuudlaas hoish gadaad ajillagaag zogsooson ni zuv ch gehdee dahin shineer bosgoj chadah uu gedeg ni tom asuult
Монголд гадаад улсын тагнуулууд нууц ажиллагаа явуулж байдаг. Гэтэл монголын тагнуул нь түүнийг хориглох ажил хийсэнгүй. Монголын нутаг дээр хойд солонгос, өмнөд солонгос хоёрын тагнуулууд бараг дайн хийх гэж байхад Монголын тагнуул зүгээр хараад эсвэл хараагүй гээд сууж болохгүй.