БНХАУ-ын Ерөнхийлөгч Ши Жиньпин, ОХУ-ын Ерөнхийлөгч Владимир Путин хоёр лхагва гарагт /2026.02.04/ видео дуудлага хийж хоёр улсын харилцаагаа сайшаасан байна. ОХУ-ын төрийн телевиз дамжуулснаар Путин Москва, Бээжингийн харилцаа нь олон улсад нэмэгдэж буй тодорхойгүй байдлыг тогтворжуулагч чухал хүчин зүйл болж байна гэжээ. Мөн тэрбээр хоёр улсын эрчим хүчний салбарын хамтын ажиллагааг харилцан ашигтай, стратегич гэж сайшаасан байна.
Ши Жиньпин хоёр орны харилцааг цаашид хөгжүүлэхийн тулд томоохон төлөвлөгөө боловсруулахыг уриалжээ. Тэрбээр БНХАУ, ОХУ-ын харилцаа зөв чиглэлд урагшилж байна гэсэн юм. Ши Жиньпин “Хоёр тал энэхүү түүхэн боломжийг ашиглан, өндөр түвшний харилцаагаа нягт хадгалж, олон салбарт практикийн хамтын ажиллагааг бэхжүүлэх хэрэгтэй” гэж хэлсэн байна. 2022 оны хоёрдугаар сард Украины дайн эхлэхээс өмнө БНХАУ, ОХУ хоёр хязгааргүй түншлэлийн харилцаа үүсгэснээ зарласан. Дайн эхэлснээс хойш БНХАУ ОХУ-ын эдийн засгийн амин тулгуур хэлбэрээр ажиллаж ирсэн билээ.
Эх сурвалж: Reuters
АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.
МИНИЙ МУУ ХОЁР АХ ЭНЭ ЗУН ИРЭЭРЭЙ ХОРХОГ БООДОГ ХИЙЖ ӨГНӨӨ ХАМТ СУУЖ ГАНЦ НЭГ ЮМ УУЦГААЯ ГУРВУУЛАА УУЛЗСАНГҮЙ УДЛАА ШҮҮ