Тэрбумтан Жефф Безосын эзэмшдэг “Washington Post” сонин лхагва гарагт /2026.02.04/ өргөн хүрээний цомхотгол хийж эхэлсэн байна. Энэхүү цомхотгол бүх хэлтсийг хамарч, ажиллах хүчний гуравны нэгт нь нөлөөлнө гэж тус сонины хэвлэлийн төлөөлөгч мэдээлжээ.
“Washington Post”-ийн гүйцэтгэх редактор Мэтт Мюррей “Орон нутгийн монопол сонин байсан үеийнх шигээ бүтэцтэй хэт удаан ажиллаж ирсэн байна. Бидэнд урагшлах зам, илүү бат бөх байр суурьтай болох шаардлага тулгарсан” гэсэн байна. Нэрээ нууцлахыг хүссэн нэгэн ажилтан хэлэхдээ хүмүүсийг бөөнөөр нь цомхотгож байна гэжээ. “Washington Post” мэдэгдэл хийхдээ “Washington Post сонин одоо цаг болон ирээдүйн төлөө хэцүү боловч шийдэмгий хэд хэдэн алхам хийж байна. Компанийн хэмжээнд томоохон бүтцийн өөрчлөлт хийнэ. Эдгээр алхмууд нь бидний байр суурийг бэхжүүлж, Post сонины бусдаас ялгаатай байдал хамгийн чухал нь үйлчлүүлэгчдийг татдаг өвөрмөц сэтгүүл зүйг хүргэхэд анхаарлаа хандуулах зорилготой” гэсэн юм.
Эх сурвалж: Reuters
АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.