Facebook, Instagram, Youtube хүүхдүүдийг донтуулах загварчлалтай эсэхийг шийдэх шүүх хурал эхлэв
АНУ-ын Калифорни мужид технологийн томоохон компаниуд аппликейшнийхээ загварчлалын төлөө хариуцлага хүлээх ёстой эсэхийг шийдэх шүүх хурал эхэллээ. Шүүх хурлын эхэнд “Meta”, “Youtube” хоёрыг шүүхэд өгсөн эмэгтэйг төлөөлж буй өмгөөлөгч тэдгээр платформ хүүхдүүдийг донтуулах гэсэн дизайныг албаар бүтээсэн гэсэн юм.
Кэйли Ж.М. гэх нэртэй 20 настай эмэгтэй “Facebook”, “Instagram”, “WhatsApp”-ийн толгой компани болох “Meta”, “Youtube”-ийг эзэмшдэг “Google” компанийг шүүхэд өгсөн байна. Аппликейшний донтуулдаг дизайнаас болж Кэйли бага насандаа сошиал медиа хэрэглэдэг болсон гэж түүний өмгөөлөгч Марк Ланиер шүүгчдэд хэлжээ. Тэдгээр компаниудын дотоод баримт бичгүүд нь хүүхдүүдийг донтуулах аппликейшн зориудаар бүтээсэн гэдгийг харуулж байна гэж Ланиер хэлсэн юм.
“Meta”-гийн гүйцэтгэх захирал Марк Зукерберг тэрхүү шүүх хуралд гэрчээр оролцох төлөвтэй байна. Кэйли тэдгээр апп нь түүний сэтгэл гутрал, амиа хорлох сэдлийг өдөөсөн гэж үзэж байгаа юм. Хурал эхлэхээс өмнө “TikTok”, “SnapChat” хоёр Кэйлитэй шүүхээс гадуур тохиролцжээ.
Эх сурвалж: Reuters
АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.