Норвегийн тамирчин олимпоос медаль авсныхаа дараа найз охиноо хуурсандаа уучлал гуйжээ

Норвегийн биатлоны тамирчин Стурма Холм Лаегрейд мягмар гарагт /2026.02.10/ хүрэл медаль хүртсэн юм. Тэрбээр медаль авсныхаа дараа найз охиноо хуурсан гэдгээ илчилж, нэг боломж олгохыг түүнээс гуйсан байна.

Тэр Норвегийн үндэсний телевиз болох “NRK”-д ярихдаа “Би энэ медалийг олимпыг үзэхгүй байж магадгүй хүнтэй хуваалцмаар байна. Зургаан сарын өмнө би заяаны ханьтайгаа учирсан. Энэ дэлхийн дээрх хамгийн сайхан сэтгэлтэй, хамгийн үзэсгэлэнтэй хүн. Гэвч гурван сарын өмнө би амьдралдаа хийсэн хамгийн том алдаагаа гаргаж, түүнийг хуурсан. Энэ талаар би түүнд долоо гаруй хоногийн өмнө хэлсэн юм. Миний амьдралын хамгийн аймшигтай долоо хоног. Би өмнө нь олимпын алтан медаль хүртэж байсан. Намайг олон хүн янз бүрийн хүслээр хардаг бол би зөвхөн түүнийг л хүсэж байна. Сүүлийн хэдэн өдөр спорт миний амьдралд эзлэх байр суурь өөрчлөгдсөн. Тийм ээ, би энэ медалийг түүнтэй хуваалцмаар байна” гэжээ.

Лаеграйд мөн “VG” сонинд хэлэхдээ “Энэ эмэгтэйтэй л амьдралынхаа турш хамт байхыг хүсэж байгаа гэдгээ ухаарсан. Үүнийгээ нуугаад насан туршдаа амьдарч чадахгүй. Үүнийг шийдэх цорын ганц арга бол бүх зүйлийг ярьж, илчилж намайг тэр үргэлжлүүлж хайрлана гэж найдах. Би бүх зүйлээ дэлхий дахины өмнө хэллээ. Одоо надад алдах зүйл алга” хэмээсэн байна.

Эх сурвалж: Reuters

Сэтгэгдлээ илэрхийл

Share Tweet