Н.Тавинбэх, П.Товуудорж нарын 1 сарын цагдан хорио өнөөдөр дуусна

Эрчим хүчний сайд асан, одоо ДЦС-4-ийн гүйцэтгэх захирлаар ажиллаж буй Н.Тавинбэх 10 аймгийн ДС-тай болох төслийг атгаж, зөвлөх П.Товуудоржийн үүсгэн байгуулсан компанид 7 тэрбумыг займчуулан өгсөн байж болзошгүй хэргээр нэг сарын хугацаатайгаар цагдан хоригдсон. Хугацаа нь өнөөдөр /2026-02-16/ дуусах бөгөөд үргэлжлүүлэн хорих эсэхийг шүүх шийднэ.

Өнгөрсөн нэг сарын хугацаанд Н.Тавинбэхийн өмгөөлөгч нэг удаа таслан сэргийлэх арга хэмжээг өөрчлүүлэх талаар шүүхэд хүсэлт гаргасан. Улмаар шүүхээс уг гомдлын дагуу шүүх хурлыг товлоё гэхэд хойшлуулсаар, сүүлд гомдлоо буцаан авсан билээ.

Н.Тавинбэх бол эрчим хүчний салбарынхнаас хамгийн эхэнд АТГ-ын хараанд орж цагдан хоригдсон нэгэн. Түүнтэй нэг өдөр, нэг хэрэгт буруутгагдаж П.Товуудорж цагдан хоригдсон байдаг. Тэдний нэг сарын цагдан хоригдох хугацаа өнөөдөр дуусаж, үргэлжлүүлэн хорих эсэхийг Дүүргийн эрүү, иргэний хэргийн хялбар ажиллагааны анхан шатны тойргийн шүүх шийдэх учиртай.

Харин бусад дөрвөн хүний цагдан хоригдох хугацаа энэ сарын 18-24-ны өдөр дуусна. Дурдвал, Б.Насантогтох, Б.Алтантөгс нар энэ сарын 18-нд, Д.Бямбасүрэн, Ц.Мөнхбаяр нар 24-нд суллагдаж, шүүх хуралдаа оролцоно.

Хэн, хэн хоригдсон, хугацаа нь хэзээ дуусах, АТГ ямар хүмүүсийг 48 цаг баривчлагдаад суллав, гадуур хэнийг байцааж буй талаарх мэдээллийг дараах линкээс унших боломжтой.

Сэтгэгдлээ илэрхийл

Share Tweet