Монголчууд бид хэл, бичиг, соёлоо "тусгаар тогтнолын амин хэлхээ" хэмээн дээдэлж ирсэн билээ. Тэр дундаа мянганы түүхтэй босоо Монгол бичиг нь нүүдэлчдийн сэтгэлгээний гоо зүй, гүн ухааны дээж юм.
Энэхүү агуу өв соёлыг эмэгтэй хүний уян зөөлөн сэтгэл, гоо мэдрэмжтэй хослуулан сурталчлах “ГОО БЭХИ – 2026” олон улсын монгол уран бичлэг, визуал урлагийн үзэсгэлэн дөрөв дэх жилдээ нээгдэх гэж байна.
Түүхэн өв ба Орчин цагийн хэлхээ
“Бичиг соёл” төвөөс санаачлан хэрэгжүүлдэг уг үзэсгэлэн нь зөвхөн уран бүтээлийн цуглуулга бус, Монгол хүний үндэсний ижилсэл, бахархлыг залуу үедээ өвлүүлэх соёлын томоохон хөдөлгөөн юм. Энэ жилийн үзэсгэлэн нь мянганаар хэмжигдэх уламжлалт бийрийн урлагийг XXI зууны дижитал шийдэл, визуал арттай хослуулж, Монгол өв соёлыг дэлхийн соёлын зах зээлд өрсөлдөхүйц "үнэ цэн" болгон харуулж байгаагаараа онцлогтой.
Шагналын сан: Шилдгийн шилдэг бүтээл 2,000,000 төгрөг, шилдэг хоёр бүтээл тус бүр 1,000,000 төгрөгийн шагналтай.
Нийгмийн оролцоо: Олон нийтийн хандалтаар "Тусгай байр"-ны эзнийг тодруулж, үндэсний бичгээ нийгэм даяар сурталчилна.
Нээлтийн ёслол: Монгол бичгийн уран гоо, эмэгтэй хүний нандин мэдрэмжийг нэгэн дор тольдох “ГОО БЭХИ – 2026” үзэсгэлэнгийн нээлт 2026 оны 3 дугаар сарын 7-ны өдөр 17:00 цагт Хүүхдийн урлан бүтээх төвийн “ОРД” Арт галерейд болно. Тус үзэсгэлэнг “SPR Rising Group”, “Бичиг Соёл” төв санаачлан, “UGC Mongolia” ерөнхий зохион байгуулагчаар, “Хүүхдийн Урлан Бүтээх Төв” дэмжигч байгууллагаар хамтран ажиллаж байна.
Монгол хүн бүрийн зүрхэнд орших эх хэл, бичиг соёлынхоо гайхамшгийг бахархан тольдохыг урьж байна.
Дэлгэрэнгүй мэдээллийг:Утас: 99978546, 80088377И-мэйл: [email protected] хуудас: Bichig Soyol
АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.